Грамофонските плочи, тркалезни и поливинилски, одамна се надвор од употреба. Плочите беа значаен изум на 20 век и на нив се забележани голем дел од најубавите акорди и гласови во музиката. Во осумдесеттите години на минатиот век беа заменети со компакт дисковите и заминаа во историјата.
Распеаните Скопјани за прв пат излегоа да запеат надвор од Скопје и им дадоа поддршка на Велешани во борбата против рестартирањето на топилницата во нивниот град. Со гас маски на главите и црни шлајмови во градите, од голите ридови околу топилницата им порачаа на Велешани: „Breathe deep, while you sleep, breathe deep!“
Една масовна хипи-комуна, како што се и самите, не може да ја пропушти приликата да запее и за зелените прашања на нивниот град, особено кога се работи за песна од мјузиклот „Коса“. Па, истата песна ја посветуваат и на Скопјани прашувајќи ги: Дали чистите бели дробови имаат цена? Дали најзагадениот град во светот оваа зима е убаво место за живеење? Дали половните возила, фабриките, топланите и објектите во изградба се прифатлива цена за живеење во сив, наместо зелен град?
Heima (Дома) е документарен филм за турнејата на Sigur Ros низ Исланд во 2006 година. Деновиве легнува како добар саундтрак за временските прилики кај нас. Иако атмосферата, енергијата, пејзажите, естетиката се светлосни години далеку од она што го имаме овде, сè што треба да направите е да исклучите ТВ, да ги стопирате фесјбук, твитер и другите „активности“ и да уживате со полни уши и очи. И да, не заборавајте да се запрашате - каде (з)греши(в)ме?
Спортот ја исмејува идејата за нацијата. Јас, да речеме, се скинав од смеење кога хамлетчињата од Копенхаген ни го начукаа пред да свршиме таа вечер во Белград. Признавам дека звучи малку парадоксално, можеби, дури, и перверзно, ама така е.
Фашизмот им дава на масите да дојдат до својот израз, но не и до своите права. Валтер Бенјамин
Мислам дека чувството на секој нормален човек во земјава, кој имал прилика да ги следи изјавите, средбите и другите ни такви залагања околу евроатлантските интеграции, варира помеѓу вчудовиденост и вџашеност.
Ех, колку би сакал да пишувам за убави работи! За успесите на владата во борбата против сиромаштијата и нееднаквоста. За зголемениот животен стандард. За новиот модерен трамвај во Скопје...