Кои луѓе треба да се мрестат?

13.07.2009 10:28
usdaprimex__.jpg

Без да навлегувам во теориите на заговор (инаку многу забавни за голем дел од македонската јавност) кои во принцип не ги бендисувам, би ја спомнала само инспирацијата за оваа колумна која ја пишувам со огромна доза на емоции и немир (како ниедна до сега).

Во последниве 10 дена во дневниот весник Дневник, кој инаку единствено го читам, се наредија 4 колумни на тројца колумнисти на иста тема: наталитетот, демографијата или, ајде да бидеме искрени, зошто законот за трето дете беше добар? Ќе го искористам моето демократско право да реплицирам на господата Букарски, Ѓорчев и Трифуновски без да се обидувам сосила да им го наметнам својот став.

Драги мажишта,
Интересно е што се интересирате за женските утроби само и единствено во име на наталитет, демографија, економија. Но, нејсе, од вас поинаков пристап и не очекувам
. Трифуновски преку својата колумна не` подучи дека последното нешто што ни е потребно се „исмевањето и карикирањето на идејата за зголемување на наталитетот“.
Во име на истото ќе се обидам да бидам колку што можам посериозна и ќе ви раскажам една приказна, односно лична исповед на една жена која дојде на пунктот на кој собиравме потписи против законот за трето дете и против каква било промена на законот за абортус. Девојката или жената (како што милувате) се приближи до пунктот и веднаш побара пенкало да се потпише. Обично луѓето прво прашуваа кои сме, за што точно собираме потписи и слично. Откако заврши со потписот се сврте и ми рече: „Ме утепаа рекламите за трето дете психички и емотивно. Јас не можам да имам деца. Се обидувавме со сопругот долго време, пробавме се`, дури и да посвоиме... попусто. Кога ги гледам рекламите за среќното многудетно семејство и за несреќното и депремирано бездетно семејство - тонам. Ме столчуваат. Имам чувство дека владата и народот ми пресудија.“ Е па, Викторе секоја чест. Нема да ги исмеваме никако тие рекламни спотови. Со горчина ќе ги кудиме.

Драги мажишта,
Еве вака сериозно би ве запрашала: што бре не направивте и вие барем едно дете? Ве знам тројцата. Просекот ви е 0%
. Што ве спречува да им помогнете на македонската економија, пензискиот фонд, демографијата, нацијата, етносот?

Зошто ги набројувам овие аспекти? Се инспирирав од вашите величествени колумни.

Влатко Ѓорчев им објаснува на своите читатели за демографијата со следнава застрашувачка реченица: „Ние умираме и исчезнуваме“. Потоа реди дека младите емигрираат поради преголеми даноци (колку е лабав аргументот ќе ви докаже личното испитување: колку од вашите пријатели кои емигрирале го сториле тоа заради даноци, наместо наоѓање работа, поквалитетно образование и слично), дека буџетот ни колабира поради намален број на даночни обврзници (па нели имавме најдобар буџет од кога било во историјата на независна Македонија?), дека свештениците останале без народ и истите само одат на погреби (па земајте фискална од таксата за погреби и ќе рипне буџетот. А ако нема народ не трошете грдни пари за црква во која нема да им кој да доаѓа) итн. Ѓорчев ни вели, нам Македонките, да раѓаме повеќе деца во име на пензиските фондови и економијата. Секој човек кој очекува дете поради својот пензиски фонд во најмала рака е несериозен и несовесен. Но мене ми беше многу индикативно тоа НИЕ во реченицата: ние умираме и исчезнуваме. Се прашував кого го покрива тоа НИЕ?

Преминав на колумната на Букарски која во својот почеток содржи реченица во која се вели: „Умирање на нацијата...“ Нацијата, тоа сме ние кои умираме. Повторно: кои ние? Букарски се плаши од исчезнувањето на нацијата. Овие апокалиптички сценарија ќе ги решава низ сериозно проблематична морализаторска реторика. Без ронка одговорност истиот во својата колумна ни вели:

„Многумина млади парови, кога можат да оформат семејство, одбираат да бидат лажно слободни со искривена претстава за независноста.“
Чудно како не тргнува од себе. Нејсе, јас не би влегувала во етикетирање на истиот бездетен колумнист како лажно слободен со искривени претстави зашто нема ништо лажно во слободата, ниту пак искривено во независноста. Лажна и искривена е позицијата од која се натураат етикети на оние парови кои не сакаат или не можат да имаат деца, да основаат семејство или да влезат во вашиот замислен концепт и визија за оваа држава.

Но сето ова е помалку проблематично пред да се надополни со ужасно расистичката и дискриминаторска реторика на Трифуновски кој во својата колумна (за разлика од претходните двајца колумнисти) искрено и директно го дефинира она НИЕ низ луѓето за чија репродукција се бориме.

Па така Трифуновски ја започнува својата колумна на следниов начин:
„ Во Европа се случува најбрзата демографска промена забележана досега во човековата историја. Бројот на европските муслимани се удвојува на секои 17 години. Со ваквата демографска експлозија, се очекува муслиманите да бидат доминантна популација во Европа за околу четири децении. Во 2050 година, наместо римокатоличката вероисповед, во Европа доминантен ќе биде исламот.“

Страшно, срамно, грозно. Не е проблемот во падот на нацијата туку во доминантноста на една група луѓе од една вероисповест над друга. Овие реторики ни се познати од учебниците по историја во контекст на најгнасните војни во светот.

Трифуновски мртов сериозен понатаму не` прашува и ни ја објаснува ситуацијата во Македонија:
„ Само посетете ја интернет-страницата на Републичкиот завод за статистика и погледнете ги бројките за само една година, на пример 2008.

Побарајте ја разликата меѓу новородените и починатите во Охрид, Битола, Прилеп, Штип, Велес, Крива Паланка, Демир Капија, Струмица, Радовиш, Гевгелија, Богданци или во кое било друго место со доминантно македонско население. Општиот впечаток е дека во сите овие места разликата помеѓу починатите и новородените е 50, 60, 100 или 200 лица во корист на починатите. Има ли нормален човек што не сака да ја прекине ваквата тенденција?“

Има, има Викторе. Оние „нормални“ кои сметаат дека Албанците, Ромите и муслиманското население кое живее во Македонија се дел од оваа држава и нивниот демографски развој не го дели од остатокот. Сега, да не се лажеме... НИЕ значи етнички Македонци. За нивната репродукција сте единствено загрижени. Тие влегуваат како валидни бројки во вашите статистики. Остатокот што се тебе тиче може и да го снема. Алал вера!


Илустрации:Leong.

alal

samo toa...

Кои луѓе треба да се мрестат?

Cvet zakon si.:)

Kako i sekogas, pokraj finite

Kako i sekogas, pokraj finite delovi, pisuvas gluposti so uzasni komparacii. Za zakonot ne si bas u pravo, ama ne bi da polemiziram sega. Kakva vrska imaat onie koi od bilo koi pricini ne mozat da imaat deca????? Pa sekoja objavena informacija nekomu mu stvara revolt, neli?????
A za toa dali na trojcata spomenati treba TI da im sudis zosto i kako toa nemaat deca samo ke recam si pridavs pregolemo znacenie. Sekomu koga ke mu svetne ke ima deca i nikoj ne moze da sudi na drugiot. Vo trite kolumni, kakvi- takvi (ne navleguvam vo politickite, verskite i drugi pogledi na avtorite), voopsto ne ti sudat dali si mazena bez deca ili sto jas znam... Onoj del kade edniot veli deka ima iskrivena percepcija za slobodata, spored mene, ima sosema druga konotacija od onaa koja TI se trudis da ja nametnes so tekstov.
Inaku, ke spomenam tuka deka tekstot za slikite koi dobivaat identitet TI e uzasen i sreka sto ne e citan mediumov do tolku, pa ne se razvrza diskusija. Pocituvam razlicni stavovi, ama sepak pred da pises, voznemirena do tolku :), razmisli sto pisuvas...

Де, де знаев дека душебрижник

Де, де знаев дека душебрижник ќе се фати за делот со ичте деца на колумнистиве. Па нејсе не им велам ниту јас дека мора да имаат деца само дека не постои никаков логичен след.
Инаку глупаво е постојано да раскажуваш дека не го следиш медиумов, а истовремено да скапуваш тука и од уста да не не` вадиш. И овојпат инсистирам на иста линија за логичен след.
Поздрав блогеру!

Mislis deka se znaes

Mislis deka se znaes :):):):):)...
Malku si vo zabluda i obozavas da gi izvrtuvas prikaznite, sto i ne e nesto novo. Ne rekov deka ne go sledam mediumov, tuku deka nema mnogu kako mene... A so ona bloger... me iznasmea.
Ne velam deka nemas pravo za odredeni raboti, no nekoi komparacii ne ti se na mesto (pornografiii, lugje sto imaat golema bolka poradi toa sto ne mozat da imaat deca i slicno- sigurno veke znaes za sto ti zboruvam. Verojatno nekoj blizen ti spomenal deka nemas za se pravo i pozitivno, od ljubov te iskritikuval).
Dobra si, no nemas definirana kauza i za zal, kako i site samobendisani bez dovolno iskustvo, ne prifakas kritika. Ti ednostavno si ZA site kauzi sto odat kontra vlada (ne deka mene me zasega politika) i po patot se gubis.
Najiskreno ne e moja rabota, ama ete slucajno naletav bas na tvoite nekolku teksta i smetam deka za da bides uspesna vo pisuvanjeto i za da mozes da se pofalis so svoite kolumni treba da go istrazis ona sto go pisuvas, da ne vnesuvas premnogu subjekivnost, posebno ne koga temata ne ti bliska soglasno zivotnoto ti iskustvo i najbitno od se da ne spekuliras i prenesuvas ne dovolno provereni informacii , kazani od nekoj si, samo zaradi toa sto ti zvucat interesno i provokativno i zatoa sto moze da se stavat vo ist pasos so nekoj izvadok od nekoja kniga koja si ja citnala na studii.
Se vo svoe vreme, pa ke citneme i sto ke ni pises koga licno ke iskusis nekoi od rabotite za koi pisuvas :). Inaku, dusebriznik e fin zbor, iako... :) nekako kako da ne ti upotreben na pravo mesto!
 

Без да се малтретираме

Без да се малтретираме обајцата понатаму само мало дообјаснување:
1. не мислам, туку знам дека не знам се`
2. колумна е токму субјективен став. Многу е проблематична објективната позиција...речиси невозможна.
3. кауза против влада е доволна кауза на сенешто кауза.
Пријатен ден.

печатна грешка во точка

печатна грешка во точка 3.
треба да стои:
3. кауза против влада е доволна кауза, а не сенешто каузи.
инаку не мислам дека токму ова е мојата кауза. Но за тоа во друга прилика.

Популизмот на Владата

Убаво искритикувани аспекти во врска со наводното ,,стимулирање" на третото дете. Проектов е изнасилен и незапазени се деловите во кои се повредуваат човековите права на избор, како и деловите во кои се сегрегираат етничките и верските групи. Непотребен раздор!

Draga i pocituvana

Draga i pocituvana Irena,
ednostavno kazano, ne si vo pravo. Ima premnogu razlika od zelba za poveke deca do "nasilna" seksualna dominacija i prisilno vrabotuvanje na zenite kako domasna rabotna sila i odgleduvacki na deca.
Zelbata za poveke deca e ednostavno ubava rabota, prosto i ednostavno, poveke zivot, zaednistvo, talenti itn.

 

Bravo Irena! Odlicen tekst.

Bravo Irena! Odlicen tekst. Osobeno mi se dopadna demistifikacijata na NIE. Ne mozam da veruvam deka ziveam vo zemja koja kako nekadarno ambiciozno sustestvo - "prepisuva" tugi pogresni iskustva  (so ogromno zadocnuvanje) i misli deka toa ne se primetuva.

Koi luge treba da se mrestat

Bravo Irena!!!
Irena ne samo sto ima pocit za Makedoncite, tuku zboruva vo imeto na onie sto imat strav da otvorat usta i ne znaat sto da kazat ili kako da se izrazat.
A za potekloto, da ne imate izvod na rodeni od Irena pri raka?!?

Pocituvan Dimitrija, Tesko na

Pocituvan Dimitrija,
Tesko na Makedonija koga dozivea izvor na informacii da ti bide "Jadiburek"

А и да има извод од родени, и

А и да има извод од родени, и да е Ирена од Лесковац - некому (освен на исфрустрираните дерлиња како Димитар) тоа проблем му е?! И после: кој нацизам, кој фашизам? Кои гниди се накотија, значи! Дај бе бришете коментари вие во уредништво. Секое недоносено се насука и овде да треска глупости.

Не е проблемот дека е од

Не е проблемот дека е од Лесковац, исто, како што не е проблемот дека некој е Македонец.
Проблемот е во пристапот на Цветковиќ, како неискрен, во бит се претставува за урбан гласноговорник но нејзиниот примитивизам е рефлексија на нешто друго - затоа го употребив нејзиното потекло во обид да пронајдам одговор од каде доаѓа сето тоа.
Нејзината убеденост и дрскост доаѓа од чувството на припадност кон “повишата“ нација - српската.
Затоа, таа смета дека етничките Македонци може неаргументирано, манипулативно да ги прикажува како помрачени расисти.
Да, не говорам колку била груба, безобразна и дрска спрема сите идеолошки противници на нејзиниот блог, прогласувајќи ги сите нив за „глупи селани“, а ваму нејзиниот корен е асли селски и рурален. Барав само малку повеќе само искреност и приземност.

г-нот надмене очигледно сака

г-нот надмене очигледно сака целата проблематика да ја гледа низ таа призма. :) она не алудира на коренот, алудира на однесувањето...да симплифицирам, имаш разлика меѓу селанец и сељак, комуњар и комунист.
Аверзијата на мрзеливото македонче кон критичкото размислување е вчудоневидувачка. Неговата вродена стравопочит кон повисоки авторитети (било имагинарни, било помалку имагинарни) е антрополошки бисер. Таа го исмева тоа, како и обично, повикувајќи ја збриштинава да поставува прашања и да размислува критички, да го преиспита авторитетот што тие самите го поставиле, место да ги вежба нејзините способности кон субверзивен социолошки тероризам со кој би завладеала со државата. Самата помисла за такво нешто е, for lack of a better word, absurd.

"Нејзината убеденост и

"Нејзината убеденост и дрскост доаѓа од чувството на припадност кон “повишата“ нација - српската." 
А овој твој копи-пастиран, глуп излив кој се обидува да глуми заклучок од што доаѓа? од твојата исфрустрираност, нереализираност или само од  мрзливоста и неписменоста (која фино ти ја објасни блогерот од погоре)? се читаш ли ти самиот што глупости трескаш? Не, да се читаше немаше да гушиш со истиве.

Draga Irena, Mi se dopagja

Draga Irena,
Mi se dopagja toa shto vo tvojov tekst gledam feministichka angazhiranost za kojashtio i samata jas navivam. Kolku i filantropski da gledame na rabotite - ednakvi mozhnosti za site, dostapnost na chovekovite prava i  slobodi bez somnitelni standardi i kriteriumi, sepak mozham da razberam zoshto nekoi od gorespomenatite kolumnisti izrazuvaat stavovi od etnichka pripadnost,  poradi faktot shto i samite smetaat deka pripagjaat na toa mnozhestvo. Gi gledaat rabotite chisto od lichna zasegnatost - kade demografski odi brojkata na etnichkoto mnozhestvo na koeshto samite tie se del. Raka na srce, ne mi se dopagjaat nivnite retoriki so koishto go branat svojot stav, mozhebi se premnogu zhestoki , no, do sega nitu vo edna kolumna, izjava ili iskazhan stav na nekoj etnichki albanec ne vidov otvoreno hrabrenje za zalozhbite na nekoja druga , t.e. makedonska kauza. Sekoj si drzhi svoja strana i sekoj vleche onamu kadeshto chuvstvuva deka  e del i sekoj treba toa da go velichi , se razbira dokolku ne odi na shteta i nesrekja na nekoj drug.
Pozdrav

фемке,се слагам дека

фемке,се слагам дека бездетните не треба многу да шлапараат за и околу децата но истото важи и за тебе.на пример(само пример)-безумните кога филозофираат за умот.
субјективна е и владината кампања,иако не би требало да е.
 дали е суб или реална кампањата за  демографскиот % на пораст на немакедонците во мк(и на други територии) би требало една реална анализа,ослободена од дневнополитизам.

Се согласувам дека треба,

Се согласувам дека треба, чисто поради нечии статистички фетиши инаку сметам дека процентот на демографски развој на граѓани и граѓанки на Република Македонија (од било кое етничко потекло, со било каква верска припадност, и да не редам натаму) треба да не` интересира кога зборуваме за стапка на природен прираст на Република Македонија....за се` останато убаво е да се има бројки. Од демографските податоци може да се види во кои општини е помал тој прираст, да се преиспитуваат фактори и слично а не да се тргне од тезата- бреееее изумревме, овие муслиманиве ќе не` надбројат.
Исто така во испитувањата на општествените фактори не смеат да се прават манипулации и тука го поврзувам ова со твојата сугестија за исчистеност од дневно политички маневри. Кој работел статистики и истражувања знае дека истово е многу комплицирана работа и лесно манипулативни се секогаш резултатите. Она што е достапно како бројка од државниот завод за статистика и нивниот веб сајт се само стапките на наталитет, морталитет и природен прираст по општини. Недостасува добра анализа којашто можеби постои ама ја нема достапна онлајн, а и досега не сум чула дека има такво нешто.

Стравот еден од друг ќе

Стравот еден од друг ќе постои додека има поделби на луѓето на ирационална основа. Религијата е врв на ирационалноста. Човештвото треба де се движи во насока на ослободување од една таква ирационалност. Затоа што колку и јас да сум либерален кон религиите  различни од таа на која само културно припаѓам никој и ништо на светов не може да ми гарантира дека верниците од било која религија нема да гледаат во мене нерпијател со кој треба да се справат на ваков или онаков начин. Решението не е во меѓусебен страв(кој наполно го разбирам затоа што е реален) туку во акција за отстранување на било какви ирационалности од нашите животи. Една таква ирационалност е и националниот идентитет која се надевам исто така ќе биде една фаза од нашето постоење што евентуално ќе ја надминеме за неколку децении. Значи решението е негација на се што не дели на негативна основа а афирмирање на позитивните разлики. Некој вид на светска култура која би била мешавина на културните особености на луѓето од различни земји. Инаку формирањето на семејство е идивидуален слободен избор на секој човек и не треба многу да се тупи за тоа. Повеќе поддржувам афирмација на животот и неговите позитивни страни колку и да неодредено тоа звучи.

Немам појма дали оваа тема е

Немам појма дали оваа тема е наметната од самиот автор на т.н.р. колумни или едноставно чуден склоп ја читаат авторкава :):):):):):).
Самото ова, драга Ирена, треба да ти покаже дека треба да смениш начин оти вака те читаат уффф...
И не е поентата да се расправа кој од каде е и на кои букви му завшува презимето, туку за што пишува. Изборот на теми, според мене, ти е слаба страна. Ќе смислиш нешто фино и кога во следната колумна, да ми простиш на изразот, си се покакала.

Слични содржини

Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ

ОкоБоли главаВицФото