Каде сте?

23.12.2011 11:24
Каде сте?

Познавам многу слободоумни професор(к)и. На студентите им проповедаат за слободата на мислата и говорот. Некои за тоа се платени. Никаде ги нема јавно збор да кажат. А власта катаден гази по слободата на говорот. Тие си чмаат по своите кабинети. Си молчат и си земаат платичка.

Познавам многу интелигентни научници. Докторант(к)и и магистран(к)ти. Опседнати со своите тези, дисертации, истражувања. Никаде ги нема јавно збор да кажат. А власта катаден гази по нивните и нашите права. Тие си молчат, задлабени во нивната наука.

Познавам многу надежни студент(к)и. Професор(к)ите катаден ги кршат нивните права. Висат по ходници. Чекајќи испит. Со скапо платен учебник в рака. Без студенска стипендија во џебот. Спијат во партиски легла. Во раскапани студентски домови. Никаде ги нема јавно да се пожалат.

Познавам многу учени историчар(к)и. Власта катаден го митологизира минатото. Генерира национализам. Се однесува како министерство на вистината. Учените историчар(к)и ги нема јавно збор да кажат. Нив не ги интересира сегашноста и иднината. Нив ги интересира минатото.

Познавам многу креативни архитект(к)и. Властите катаден ги силуваат градовите. Скопје го претворија во некропола. Никаде ги нема јавно збор да кажат. Нив не ги интересира сегашноста и иднината на градот. Преокупирани се со индивидуални проекти.

Познавам многу ангажирани уметници. Никаде ги нема јавно збор да кажат. За стотиците статуи, прескапите скулптури, барокните фасади, партиски музеи, восочните фигури, „гомноскоците“ . Страв им е од владините пропагандисти. Да не ги обвинат како „критизери“ или „комуњари“.

Познавам многу славни писател(к)и. Власта катаден произведува непријатели, предавници, кодоши. Некои ги „лустрира“. Некои завршуваат на робија. Славните писател(к)и си молчат. Во нивните книги, раскази, песни нема ни збор за кафкијанските и орвеловските процеси.

Познавам многу славни музичар(к)и и пејач(к)и. Власта го сотре ноќниот живот. Апси танчерки. Прави државно кабаре. Славните музичар(к)и и пејач(к)и си молчат. Имаат кауза само на митинзи.

Познавам многу стручни економист(к)и. Власта ја зголеми сиромаштијата. Административно брише невработени. Го зголеми јазот меѓу Скопје и остатокот од Македонија. Долговите растат. Производството се намалува. Економистите мудро си молчат во своите кабинети.

Познавам многу врвни лекар(к)и. Власта го уништува јавното здравство. Секогаш има пари за споменици и восочни фигури. Никогаш нема доволно пари за медицински апарати, лекови, поудобни болнички кревети, помодерни операциони сали. И лекарите молчат во своите одаи.

Познавам многу одлични правници. Гледаат сеир кога се гази правото. Кога селективно се применуваат законите. Кога владата врши притисок врз судиите. Кога се газат правата на обвинетите. Никаде ги нема јавно збор да кажат за неправото и тортурата во притвор.

Познавам многу напредни политолози. Власта секојдневно гази по демократијата. Партиски се узурпираат демократските институции. Сегашните политичари, забораваат за што се залагале како политолози. А сегашните политолози молчат. И за разликата меѓу криминолог и криминалец.

Познавам многу бескомпромисни борци за работнички права. Никогаш не сум ги видел збор да кажат. Кога гладните стечајци протестираат.

Познавам многу неуморни борци за права на жените. Власта водеше подземни кампањи против репродуктивните права. Донесе дискриминаторски закони за „трето дете“. Пратеничка во парламентот гордо се пофали дека е послушник на пастирот. А жените – борци, си одмолчија.

Познавам многу агилни еколози. Загаденоста во Скопје е поголема отколку во Фукушима. Никаде ги нема активните еколози. А фабричките оџаци без филтри среде Скопје. Димат, ли димат.

Познавам многу прогресивни граѓански активист(к)и. Граѓанството и индивидуализмот замираат. Расте колективизмот и етнонационализмот. И граѓанските активист(к)и се помалку критикуваат. Не сакаат да бидат политички етикетирани. Или прогласени за странски платеници.

Познавам многу бранител(к)и на човекови права. Правата се кршат масовно. Се водат политички процеси. Царува партиска дискриминација. Лежат робија политички затвореници. Има тортура во притвор врз бремени жени. Поголем дел од бранител(к)ите молчат, а некои тивко шепотат.

Познавам многу искусни новинар(к)и. Шиканирани од газди и уредници. Притиснати од политичари. Им јавуваат од штабови што да објават. Поткупени со владини реклами. Внимателно бираат теми и зборови. Да не падне некоја тужба за клевета. Да не им налепат партиска етикета.

Каде сте слободоумни професор(к)и, интелигентни научници, надежни студент(к)и, креативни архитект(к)и, ангажирани уметници, славни писател(к)и, славни музичар(к)и и пејач(к)и, стручни економист(к)и, врвни лекар(к)и, одлични правници, напредни политолози, бескомпромисни борци за работнички права, неуморни борци за права на жените, агилни еколози, прогресивни граѓански активист(к)и, бранител(к)и на човекови права, искусни новинар(к)и?

Каде сте? Ве измачува ли совеста? Спиете ли мирно навечер?

Илустрации: Serge Birault

Пун погодак! Браво, Жарко!

Пун погодак! Браво, Жарко! Треба леток да се направи од текстов и да се дели во средините на спомнатите во текстот...

Ne se vika "pun pogodak",

Ne se vika "pun pogodak", tuku "poln pogodok". Treba li ushte neshto da se dodade?

Се криеме од демохристијани и

Се криеме од демохристијани и соросоиди, чекаме да се појави автентична либерална левица или да се формира либертаријанско движење.

Заради ваквото чекање сите го

Заради ваквото чекање сите го јадеме. Можеби ТИ треба да ја формираш таа автентична левица, не чекај да падне од небо. Пошо нема.

Ќе го јадеме и во наредните

Ќе го јадеме и во наредните неколку години! Можеби човекот и ќе ја формира, а ти, како би реагирал во тој случај? Мислам, за да не го јадеме.

Eve so Nikola na rucek sme

Eve so Nikola na rucek sme !
Koga ke dojdete i vi na vlast so vas ke bideme , ic ne se sekiraj.
Pozdravi ni go Brane.
Do togas ostaj ni zdrav vo umot.

Ти текнало дека можеби не си

Ти текнало дека можеби не си во право, па затоа наводно ГИ НЕМА погоре прозваните? Или немогуЧе интелект од твој калибар да греши и претерува?

Браво, Жарко. Одлично е

Браво, Жарко. Одлично е прашањето. Јас секој ден истото се прашувам и лошо се чувствувам.

Odlicen tekst.Kade ste, kade

Odlicen tekst.Kade ste, kade sme, kade se...???Sokrieni , da ne ne vidi nekoj, da ne ne cue..Od sto se plasime, sto uste moze da ni zemat...???I jas si go postavuvam istoto prasanje.Zosto molcime i dozvoluvame da ne vladeat isfrustrirani, iskompleksirani vo golem del i polu pismeni lica....???

Kade se? Pa gi nema druze vo

Kade se?

Pa gi nema druze vo MK, tolku ni e kapacitetot kako opshtestvo. Toa sto vredese oddamna ja napusti drzavata, tie malkute sto ostana se sprmat da zaminat.
Nie nemame kapacitet da gi razbereme graganskite vredonsti, toa e. Nashata maksima e trpenie spasenie.

Што треба да правиме, да му

Што треба да правиме, да му пишуваме писма на премиерот да се опамети? Да пишуваме писма по весници во кои ќе ги констатитраме проблемите? Демек, има уште такви кои не знаат дека живееме во тиранија, па и на нив да им објасниме?

Ако сме дојдени во ваква ситуација, тоа е затоа што на секое ниво има луѓе кои подлегнале под притисокот и ја злоупотребиле функијата. Или зашто биле неспособни. Како тоа да го поправиме, со јавен протест?

За жал режимот беше верификуван на јунските избори, релативно регуларни по наши стандарди. Луѓето си гласаа. Сега нека ги трпат последиците, па, кога ќе го допреме дното, ако преживееме, ќе тргнеме нагоре.

Изборите не беа фер. Тоа го

Изборите не беа фер. Тоа го констатираа и странските и домашните набљудувачи. Дури и екстремно прорежимската Комисија за антикорупција констатираше неотчетни 3 милиони евра потрошени од ДПМНЕ за изборна кампања. За фантомски 100.000 евра подметнати од агент-провокатор најбучниот член на опозициска партија заврши во затвор, а изборите формално сеуште траеја. Има стотици аргументи зашто изборите не беа фер, но еве само два: јавниот медиумски сервис беше и е претворен во мегафон на власта, а сите државни ресурси беа и сеуште се во функција на владеачката партија.
Но, дури и да е така како што вели Данко, граѓаните на Македонија да го избрале лудачкиот режим што ја уништува земјата и да уживаат во него (во општото корумпирање и пропаѓање). Што треба да имплицира тоа? Да се покриеме под јорган планина и цинично да констатираме дека народот си ја заслужи пропаста? Не треба ништо да правиме, констатира циничниот Данко (прототип за голем број граѓани, веројатно мнозинството), туку треба да си го чекаме фатумскиот расплет. Јавен протест?, реторички прашува Данко. Јок - си констатира самиот.
Сакам да му порачам на Данко малолетниот (според Кант, малолетен како оној кој воопшто не ја сфатил смислата на јавниот ангажман и на борбата за правда): нема друга точка за менување на општеството (т.е. на поединците во него) од јавниот ангажман. Хана Арент велеше: единствената точка од која можеме да тргнеме е онаа на која токму се наоѓаме. Нема „созреаја условите за протест“! Нема „критична маса“ итн. Некој треба да го направи првиот чекор. Некој треба да почнe да ја зборува вистината. Некој во почетокот секогаш е осамен, исмеан, беден. Па што?! Ми се чини дека Жарко токму зборува за тој некој, потенцијално осамен, исмеан, беден - ама што со тоа, по ѓаволите! Па ионака сме осамени, смешни и бедни! Да размислуваа сите ко Данко, низ историјата, космосот сеуште ќе се вртеше околу земјата, црнците уште ќе се возеа на задна платформа, а жените ќе седеа дома и ќе плетеа капи и чорапи! Затоа што некој Данко проценил дека црнчугите се толку бедни, а жените толку глупави, што просто не заслужуваат подобро! Јака логика! Логика која служи само да се оправда сопствениот мизерен конформизам, кукавичлук, сеир.

Астроном, го користиш моето

Астроном, го користиш моето име, а всушност му пишуваш на некое замислено другарче, бидејќи јас тие работи што ми ги припишуваш, ниту ги мислам ниту ги предлагам.

Инаку, за изборите воопшто не мислам дека беа фер по светски стандарди, туку кажувам дека беа релативно регуларни по наши стандарди (немаше загинати, имаше набљудувачи на сите изборни места). Колку што се сеќавам, во Македонија имало само едни фер избори, 2006-та.

Не приметив дека некој се побуни и се обиде да организира јавен протест. Јас лично искачам на протести, кога ги има (за А1, за Мартин), потпишувам петиции кога ги има, но не можам да се занимавам со организирање, едноставно немам доволно време, а има такви чија што работа би требало да биде да ги организираат, на пример опозиционите партии.

Исто така, не се работи за цинизам, како што тебе ти се чини, ниту пак уживам во фаќање сеир. Ситуацијата е жалосна, но да не се лажеме, кога би пишувал, за што попрво би пишувал. Врхушката на власт е врвот на сантата лед, под нив ги имаш сите корупмирани или неспособни службеници, судии, обвинители, правобранители, професори, лекари, ... барем добар дел од нив да си ја вршеа работата совесно, тоталитаризмот немаше да може да биде воспоставен. Секогаш имаш можност да кажеш НЕ кога некој ти врши притисок. Е, сега, ако никој не го прави тоа, од страв или корист, како можам јас преку писма да ги убедам да го прават?

Искрено, ова не знам како може да се смени краткорочно. Неминовно треба да се смени власта, ама и после тоа ќе останеме со истиот корумпиран државен апарат подложен на истиот вид притисоци. Ќе треба да помине долго време (50 години) во кој државата ќе биде релативно стабилна и ќе може да се поправаат работите

Баналноста на злото - бидејќи си ја читал Хана Арендт.

Одличен текст, секој ден се

Одличен текст, секој ден се прашував(м) за истово и се прашувам и што јас правам и дали можеби и мене не ми е чиста совеста бидејќи не правам доволно. Но, не сум ни влијателен ниту пак имам простор јавно да искажам мислење. Идам на протести, дебати, пишувам по некое писмо до весниците, ретко кога било објавено. Поентата е дека луѓето кои протестираат и се бунат, се веќе потполно отуѓени од остатокот, кои не сакаат да се мешаат во јавниот живот, или уште полошо сметаат дека е добро. И не станува веќе збор за конформизам или кукавичлук, станува збор за апатија, а тоа е дното. Жарко одлично го лоцира проблемот, ама решение на повидок за жал нема. Многу луѓе што ги познавам се решаваат да ја напуштат Македонија.

Знам што мислиш, брат, и јас

Знам што мислиш, брат, и јас така често се чувствувам. Ама пак јас најдов чаре како да си ја очистам совеста - секогаш кога мислам дека не правам доволно, земам тоа малку кеш што го имам во џеб, го ставам во плик и му го праќам на Коља. Понекогаш ќе напишам кратка порака за каква намена ми е донацијата, на пример "за гем", "за медиумско присуство" или "да цркне грујо", ама најчесто не ставам никаква назнака, тој најдобро знае како да ги инвестира. Пробај и ти, ќе видиш, ќе ти олесни на душата.

Топ колумна! Прашањето е на

Топ колумна! Прашањето е на место! А бре македонче, кога ќе се разбудиш од овој лош сон и кога ќе сватиш дека живееш во диктатура во 21 век.

На кратко, познаваш многу

На кратко, познаваш многу пички.

Што би рекле во англиско говорно подрачје:
It takes one to know one.

Мене ме мачи прашањето: каде

Мене ме мачи прашањето: каде е проклетата опозиција кој мораме да ја плаќаме исто како што ја плаќаме проклетата власт. Што мора ние да се залагаме за револуција, еве си плаќаме даноци, плаќаме опозиција а неа ја нема. Уџум да станат сите буџетски џаболебари што треба да го подигнат гласот во наше име. Шо да прави народот кога немаше за кого друг да гласа. Да не сме луди па да гласаме за кретенот Бранко. И на Груевски кај и да е ќе му потемне образот. Прашање е на време. Никој, море никој не треба да биде на власт подолго од четири години. Направија пички и газолижачи од сите интелектуалци.

Рака на срце, во државава

Рака на срце, во државава ретко кога имало поголем број автентични интелектуалци, ама мислам дека во моментов сме на самото дно од осамостојувањето навака. А може и генетски е проблемот. Се плашам дека Рамбо е у право: „Отишао је свак’ ко ваља, остала је само раја и фукара.“

Ne sme na samoto dno, beshe

Ne sme na samoto dno, beshe mnogu polosho. Ne znam sshto generacija si ama ako si mal/a (pr. roden posle '85 prashaj nekogo sshto se deshavashe. Postkomunistickata mladina beshe zzalna. Mozebi vo Sk ne bilo taka no vo ostatokot od Makedonija imasse familii so po duri dvajca steccajci a decava ko deca ili sakaat da iskacaat ili sakaat da odat na fakultet a pari nema, volja nema. Mnogu mi e zal za taa generacija. epten gi utepaa. Deprimirani roditeli, srcevi udari, celnici prigrabuvaat drzavni imoti decata im se kurcat so patuvanja vo stranstvo, zapadnacki stil na zivot. Sranje do kurac. A za zal pa uste sto ne ceka, cekaj da vidiss koga ke dojde vreme da se vrakaat kreditite. Zatoa, ne sme na samoto dno. Ne se sekiraj ima i polosho a i polosho i ke dojde. kako besse, prirodna selekcija. Ne vredi da si go potrossiss zivotot na inertna masa obiduvajki se da ja pridvizziss. Zato site begaat.

Прашањето ми е зашто кога има

Прашањето ми е зашто кога има студентски или каков и да е протест мора да има некој со некоја позадина сороси кариеристи и слични...Сакам одговор

ами затоа што сега е такво

ами затоа што сега е такво времето, опозициско, па треба и така да се делува. е кога ќе дојдеме на власт, протестите ќе престанат, а ние окнашите-соросоиди ќе се вгнездиме во државните фотељи и ќе цицаме од државните фондови. е така. затоа што ние сме предодредени да владееме и на државна сметка да живееме, не?

Predlagam Zharko

Predlagam Zharko Trajano(v)ski da stane sovetnik vo Vladata za so svoite dlabokoumni razmisluvanja i pomogne vo sogleduvanjeto na nedemokratijata shto mnogumina ne ja gledaat i vo iznaogjanjeto na pravilni reshenija koi nema povekje da bidat kritizirani od nego.

Слични содржини

ОкоБоли главаВицФото