Пакистан во темите на Госпоѓа ИЌ

27.07.2009 10:45
Irena-naslovna-09-07-27.jpg

Во мојата скромна пишувачка кариера повеќепати сум била прекорувана дека не треба да пишувам за настани или теми од нашата (дали?) држава. Мноштвото забелешки и укори можам да ги поделам во две големи групи на аргументи. Луѓето од првата група сметаат дека Македонија не е контекст во кој човековите права и слободи се загрозени и, следствено, во нашата библиска земја не постои дискриминација по никаков основ. Дури и ако постои, таа е минимална, за разлика од другите во голема мера недемократски држави. Ова е поумерената група. Втората група го држи аргументот исцрпен во моето презиме. Според оваа група, некој кој се презива на –иќ нема право да размислува за Македонија, без разлика дали е роден и живее во истата држава.

Не чувствувам потреба да одговарам, особено не на вторава група за моето потекло. Бесмислено е. Сепак, мислам дека не треба да се игнорираат овие реторики. Од една страна, зашто се ужасно опасни; од друга страна, зашто се премногу чести. Тие се обид да се закопа јавната дебата низ дефокусирање и ad hominem аргументи. Јавната дебата во нашето општество полека се сведува на оној парадигматичен дел од дуелот Црвенковски-Георгиевски. Откако ги исцрпија сите аргументи (не многу) се фрлија во меѓусебни етикетирања. Во тој дел ние не гледавме дуел меѓу две политички фигури туку гракање меѓу „луд џанак“ и „арогантен алкохоличар“ (како што се нарекуваа).

Многу често низ коментарите кои ги добивав на мојот блог (а сега веќе истите се префрлија и низ други медиуми) можеа да се сретнат укори од типот: Што не пишуваш за жените во Авганистан, во Пакистан, во Иран, во Ирак... таму жените немаат права. Слична забелешка ми даде и Јанко Јади Бурек. Најпрво си реков: ма кој ги врти, ќе пишувам за Пакистан кога Јанко ќе снима емисии за Пакистан... но ситуацијата стана посериозна. Во последно време секој трет коментар реферира на Пакистан, Иран, Ирак... Само да не ја чепкаме Македонија. Навистина не мислам дека треба да се објаснувам зошто и како ги бирам моите теми... затоа што е тоа мое право. Да се обидам да си го дадам себеси истото право да коментирам туѓ избор, може? Зошто нашата влада се грижи за наталитетот во Македонија, наместо во Германија, на пример? Зошто сите толку се потресуваме околу спорот со името меѓу Македонија и Грција наместо околу спорот меѓу Кипар и Турција? По таа логика, нема потреба да избираме претседател на Македонија... можеби се суштински поважни изборите во Америка. Сите имаат право да размислуваат за својата земја, само Ирена може сега да земе одмор и да се нафати со „доблесната“ мисија- еманципација на Пакистанките. И во име на тоа најдобро би било да ги баталам сите расправи во кои не` фрлија последниве години: за наталитетот, лудилото на демографијата, абортусот. За Македонија ќе му ја мисли Груевски, а за Пакистан ќе му ја мисли Цветковиќ. Лудо, а?

Едно од најинтересните именувања го добив во коментар на една моја колумна во Дневник. Извесен чичко Јонче од Австралија ме нарече Госпоѓо ИЌ. Во продолжение напишал: вие немате право да размислувате за оваа држава. Вакви коментари добивам безброј. Дури и на Окново се отвори дискусија околу моето потекло кое се демистифицирало во Јади Бурек. Според најновите теории, јас потекнувам од Лесковац. Прекарите понатаму се нижат: српска певаљка, србенда...

Морам да повторам, од сите најсимпатичен ми е Госпоѓо ИЌ. Госпоѓата ИЌ не смее да пишува за Македонија, зашто тоа иќ укажува на нешто грдо, странско, туѓо... фуј, нешто српско. Така е. Да не ги редам Павловиќ Латас, Томиќ, Владимир Тодоровиќ Тинекс... доволно е за да се сфати поентата. Ме засмева миксот од овие две групи поделени според аргументите.

Јас како Цветковиќ, нечиста Македонка (што и ова да значи), односно србенда, не смеам да пишувам за Македонија, за македонското општество, за човековите права во Македонија... ама затоа госпоѓа ИЌ мора и треба да пишува за Иран, Ирак и Пакистан. Лудо, а?

Слики: Марсел Ѕама

Не те засега, ама им посвети

Не те засега, ама им посвети текстче, кое патем речено е прилично просечно како и досегашните. Тебе се те засмева, а ти нас.

навистина ирена, престани со

навистина ирена, престани со „просечните“ текстчиња, и дај простор за „надпросечните“ кои сигурно ги пишуваат „вистинските“ Македонци како г-ѓа Ва од погоре, само не можат да дојдат до израз, па оттука само маваат со коментари колку да си докажат дека ете, се продуктивни. Може тогаш и ќе ни објаснат зошто ги засмеваш, зошто текстот ти е просечен итн, дотогаш ќе не гушат со просто-непроширени коментари како погорниот.

Фемче  си   е  Фемче ....

Фемче  си   е  Фемче .... Плавуша - интелектуалка , редок  вид  и  за  светски  рамки .....
За  што  би  очекувал да  пишува  една  25 годишна  плавуша - за трач , секс , мода ..... Мислам  и  нормално е ( такви  се  хормоните  на  плавушите ) ..........
Не  со  парола  да  ми  шета  по  плоштад  и  да  ми  дига  револуции  и џеви .....
 
Идам  да   пијам сок   ....... 
 
 
 
 

ХАхахаххахахахахаха, каква

ХАхахаххахахахахаха, каква врска има дали г- ѓа Ва или НА или... е Македонка со ставот за просечноста на текстовите??????????????
 
 

Greota nasa...

Tekstot e sosema na mesto...i toj, kako i komentarite pod nego, mnogu realno ja otslikuvaat makedonskata iskompleksiranost koja nema granici...Pozdrav do g-gja ic!

So narod kje bese. Ti mu

So narod kje bese. Ti mu pruzas raka, toj ti vika is.Pa turni go nek se udavi i aman. za se nesto da se imalo negativen stav. Poentata ne e vo kritikuvanje tuku vo kontarargumenti. Za toa sluzat javnite glasila. Normalno e da se ima razlicen stav za razlicni nesta. Ja zamoluvam G-gja VA za kontraargument namesto ocenka za prosecnosta.

Ја предлагам, ако Латас

Ја предлагам, ако Латас (Павловиќ) се повлече од јавен живот и ти да го следиш

Jas znam od kaj poteknuvas

Jas znam od kaj poteknuvas ti.Od jajce.
hahahaha
Vo Makedonija ima dosta pametni lugje,steta sto intelegencijata ja koristat za da zemat profit od sponzori itn, i od intelegenti stanuvaat paranoicno mentalni glupaci.
Izglea do podzemnite vodi e..
hahaha
 
Poz

Abe so i se nervirate ona si

Abe so i se nervirate ona si zima dobra para za ovoa so ga pisuva za toa si e fino platena i nea ama ic p****ta negu bole za vaste komentari taka ziveat predavnicite u R.M. perat mozok na prost narod !!!!

Пакистан во темите на Госпоѓа ИЌ

Јас сум граѓанин на Република Македонија чие презиме завршува на иќ, поточно овиќ. На на сите пописи се пишувам Македонец. Така се чувствувам. Така се пишав и на факултет кога се запишував, не бркав малцински квоти како некои мои колеги патриоти. На работа, Македонец сум, одам на работа и на Св.Сава, и на Влашкиот празник и на еврејскиот, за разлика од некои мои колеги кои имаат наводно секакво потекло, па им се факаат повеке неработни денови годишно. А презимињата им завршуваат на ов, ва, ски, вски, вска итн. Имам еден пасош, Македонски, а Црногорски ми нудат за 50 евра (толку е редовната такса што ја плаќа Црногорски граѓанин за пасош). Имам Црногорско потекло, но не сум државјанин на црна Гора нит се сметам за црногорец. Кога имам потреба, одам во некој од храмовите на Македоската Православна Црква. Во Грција бев лани на одмор и покрај предупредуванјата затоа што сметам дека е најблиску, а и морето е поубаво од другите во околината. за храната и услугата да не збориме...затоа...Цветковиќ...џабе везеш, џабе им докажуваш и им се објаснуваш...тоа е проста маса која ке се удави во сопствениот измет, во оваа конзерва од држава, во која тие добија тастатура во рака и поволна интернет конекција.

Почитувана госпоѓо ИЌ,

Почитувана госпоѓо ИЌ, односно ИЋ со цел да го уважам вашето српско потекло и презиме во духот на мултикултурализмот и соживотот, ете го пишувам вашето презиме со српската буква „ћ“. Пред некој ден гледајќи ве на телевизија забележав многу чудна работа. Долу каде што го пишуваше вашето име и презиме покрај вашето прочуено и ценето (особено во времето на СФРЈ и претходно) презиме Цветковић имаше уште едно МАКЕДОНСКО (!) презиме, кое беше Василева или Василевска, не ми текнува точно! Па еве малку во ваш стил да иронизирам: значи конечно сфативте  дека со вашето српско презиме немате право да зборувате за македонцките работи, па се решивте да си додадете МАКЕДОНСКО (!) презиме! :):):):) Епа јас како горд носител на МАКЕДОНСКО презиме (млад господин СКИ) ви посакувам топло и искрено добредојде во нашиот табор на госпоѓи и господа со МАКЕДОНСКИ презимиња и ви го признавам правото и легитимитетот (иако се уште не во целост) на мрчење по однос на македонцките работи. :):):):) Како сега да ве ословуваме Госпоѓа ИЋ или Госпоѓа ВА, СКА?  Поздрав, се надевам ќе имате чувство за хумор и иронија, како што и јас имам кога ги читам (претежно во весник) вашите написи за (против) Македонија, Александар Македонски итн. :):):)

Марио, македонче младо со

Марио, македонче младо со чисто македонско име, во право си! Да живеат античките македонци Драган ПавловИЋ и Слободан ТомИЋ!

Ауууууу овде било полно

Ауууууу овде било полно лудаци, бе!!!!
Еххх Македонијоооо...
 

Слични содржини

Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ

ОкоБоли главаВицФото