Зошто мажите гледаат во женското деколте

Она што жените отсекогаш го знаеја, сега е научно докажано – „посилниот пол“ не може да одолее без да одмери привлечна жена, се плаши од ќелавост, сака пиво и повеќе го возбудува мирисот на женска пот отколку скап парфем. Еве зошто.

Ген за одмерување

Мажите гледаат подалеку од жените благодарение на своите пештерски предци – ловците морале да го забележат пленот уште оддалеку. Но затоа нивното видно поле е значително пократко од женското, тврдат научниците. Докажано е дека жените подеднакво често се загледуваат во згодни типови на улица, но во тоа е потешко да ги фатиме на дело. Периферниот вид им покрива речиси 180 степени.

Тајната на длабокото деколте

Мажите најбрзо ги возбудува она што го гледаат. Првото нешто кај жените што им го привлекува погледот е длабокото деколте или високиот шлиц на здолништата.

Нежно-заводлив глас

Машкото уво ги обработува високите фреквенции многу послабо од женското. Тој подобро слуша ако таа зборува тивко – па уште ако гласот е топол и длабок...

Миризливи факти

Истражувањето на машките олфакторни жлезди докажаа директна поврзаност на мирисот на женската пот и сексуалното возбудување. Уште поинтересно, мажите повеќе ги возбудува мирисот на женската пот отколку на скапиот парфем.

Реално, помалку зборуваат

Жените секојдневно изговараат од шест до осум илјади зборови, мажите од две до четири илјади. Ако тој молчи додека таа не затвора уста, жената збеснува, убедена дека безобразно ја игнорира или предизвикува. А тој, всушност, е само типичен маж.

Зошто не можат без пиво?

Тестовите покажуваат дека мажите многу подобро разликуваат солени и горки вкусови од жените. Поради тоа и почесто пијат од тој фин, горчлив пијалок. Жените, се знае, подобро го чувствуваат слаткиот вкус.

Страв од ќелавост

На 20 години мажите имаат околу 100 000 влакна на главата. На 25, секој петти почнува да ја губи косата, а на 30 години, секој трети. Утврдено е дека 80% од мажите се плашат од ќелавоста и дека изгледот на косата значајно влијае на нивото расположение и самодоверба.

Хормон за лутење

Секоја жена знае дека мажите, кога ќе се налутат, наеднаш престануваат да разговараат и го спуштаат носот. Жените имаат повисоко ниво на окситоцин во крвта, а тој ги потикнува да се жалат во стресни ситуации. Пониското ниво на окситоцин ја смалува потребата на мажите да се доверуваат и така да се ослободуваат од стресот.

Нозете ги издаваат

Стручњаците за говорот на телото откриваат дека поголемиот дел од мажите ги тријат нозете кога се сексуално возбудени. Кога почнува сериозно да се интересира за некоја жена, „воинот“ несвесно ги покажува бедрата и ги шири стапалата.

Извор: B92