Петте најглавни причини зошто жените глумат оргазам

Вистина е, жените понекогаш глумат оргазам. Во едно истражување во кое беа вклучени околу 30 000 жени, речиси сите признале дека барем еднаш во животот одглумиле оргазам.

Повеќето до нив тоа го прават редовно, додека некои од нив дури не знаат ни какво е чувството на вистински оргазам. Постои само еден скриен мотив за оваа благородна измама: жената сака сексот да заврши што е можно порано и не сака да ги повреди чувствата на својот партнер, или да придонесе за да се почувствува дека таа не ужива во сексот со него, или да го натера да помисли дека не може да ја задоволи. Сепак, постојат и многу причини за тоа. Еве ги најглавните пет:

Изморена е и присилена

Најчестата причина за глумење оргазам е уморот. Денес жените делат голем дел од обврските дома и на работа. Често сакаат по напорниот ден само да се опуштат во када со топла вода или со добра книга во рацете, но не сакаат грубо да го одбијат партнерот кој можеби има поинакви планови за вечерта. Некои жени дури не се ни осмелуваат да му речат „не“ на партнерот, стравувајќи од расправии или, не дај боже, модро око. Како и да е, сексот под наредба воопшто не претставува афродизијак и сигурно нема да помогне во постигнувањето на женскиот оргазам.

Здодевност и болка

Можно е сексот кој започнал како возбудлив и страствен по некое време да се претвори во досаден. Мажот нема да престане сè додека не ја доведе жената до оргазам, и се труди повеќе одошто треба, правејќи ги непотребните потези, додека жената се досадува. Ако овде ја додадеме и можната болка и останатите непријатни нешта поради долготрајното триење, глумењето оргазам се чини како итна сопирачка која може да го сопре овој воз без контрола.

Недоволна опуштеност

За повеќето жени само механичкиот елемент не е доволен за оргазам. Таа мора да чувствува посебна поврзаност со партнерот која треба да расте со текот на времето. Исто така е многу битно да се биде опуштен. Затоа и не чуди што толку многу одглумени оргазми се случуваат за време на сексот од почетокот на врската или за време на врските за една ноќ.

Медицински проблеми

Некои жени не можат да постигнат оргазам поради физички или психички причини. Истражувачите тврдат дека 10-15% од жените никогаш не доживеале оргазам, додека уште 10-15% можат да постигнат само со мастурбација. Во овој случај најдобро е жената да се посоветува со својот гинеколог или психијатар бидејќи тие можеби ќе бидат во состојба да и’ помогнат да ги надмине можните психолошки блокади.

Барање интимност

Подлабока причина може да биде тоа што жената не бара оргазам во сексот, туку само сака малку интимност – цврсти прегратки, нежни милувања и страсни бакнежи. Затоа мажите треба да се потрудат да и’ докажат на својата партнерка дека е сакана воопшто, а не само меѓу чаршафите. Вреди да се биде малку повнимателен.

Запомнете – сите сме глумци, а креветот е само една од сцените во светов. Затоа, не и’ замерувајте на вашата партнерка ако признае дека ве измамила неколкупати.

Извор: Intimate Medicine