Парфем

Сместен во Франција во 18 век, Парфем ја раскажува необичната и застрашувачка приказна за Жан Батист Гренуј, еден лик кој колку што е фасцинантен толку е и одвратен.

Самиот роден без никаков мирис, но надарен со невообичаено сетило за мирисање, Гренуј станува опседнат со идејата да создаде совршен парфем што ќе го направи целосно човечен.

Со брилијантна умешност на раскажувач кој суверено ја владее материјата, пред сè, демонстрирајќи извонредно познавање на парфимериската технологија за која пишува прецизно и мошне поетично, но едновремено суптилно сликајќи ја предреволуционерната епоха, Зискинд во прв план сепак го има истражувањето и опишувањето на вознемирувачкиот внатрешен универзум на еден, на сосем искриволочен начин, опседнат човек.

Зискинд е роден 1949 година во Амбах, во близина на Минхен. Парфем е негов прв роман кој го објавува во 1980 г. и веднаш станува светски познат. Досега романот е продаден во повеќе од 12 милиони примероци. Во 1996 New York Times го прогласува за книга на годината. Досега романов е преведен на четириесетина јазици, а според него е снимен и истоимен филм.

Книгава е во издание на Темплум, и можете да ја најдете во книжарниците низ Скопје и Македонија.