Дали е навистина битно со колку луѓе сте спиеле?

Поголемо искуство значи подобар љубовник?

Личностите кои спиеле со повеќе луѓе обично сакаат да се фалат наоколу, барем во друштво на своите поблиски. Тоа претставува еден вид статусен симбол. Тоа кажува дека личноста е посакувана, барана, привлечна, интересна и искусна. Секој очекува неговиот партнер да биде нешто навистина посебно во креветот. Секако, ако сте маж.

Ако сте жена, ваквото фалење наоколу не се цени подеднакво. Вие постигнувате статус, но не го постигнувате оној што сте го сакале. Сепак, поголемото искуство не значи секогаш дека сте подобар љубовник, како што повеќе партнери не значат дека жената е „ороспија“.

Сите ги знаеме локалните „дон жуани“ кои се на својот сексуален врв на својата 23-та година, изгледаат добро, и сите девојки на возраст од 16 до 18 се заљубени во нив, и лесно паѓаат на нивните финти.

Според мислењето на многу сексуални стручњаци, мажите стануваат добри љубовници само кога ќе и’ посветат потребно внимание на сексуалноста и ќе ја истражуваат истата, правејќи го тоа со еден партнер. Ако има секс со повеќе партнери, она што ќе го научи, повеќе ќе биде случајно, ако воопшто научи нешто. Честопати мажите имаат секс со повеќе партнери за кратко време за да до задоволат своето его и воопшто не се грижат за задоволување на жената.

Луѓето се здобиваат со искуство само кога прават напори да навлезат во проблематиката и да ја разберат длабочината на истата. Сексот е деликатна игра на телата и умовите, и само оние кои ќе погледнат во неговите длабочини ќе можат да бидат навистина добри. Постојат и природни таленти, но таквите се ретки.

Зошто понекогаш треба да се премолчи бројот на партнери?

Ако некогаш те праша партнерот, најдобро е да му ја кажеш вистината. Но доколку не те праша, подобро е да се избегне темата во одредени случаи. Ако вашата партнерка е чувствителна, нежна и кревка жена која верува во бесмртна љубов и посветеност до смртта, тогаш податокот дека сте спиеле со дваесет жени сигурно нема да ја усреќи. Исто така, ако вашата партнерка е екстремно љубоморна, таа може да продолжи да биде таква и постојано да ги следи сите ваши активности, мислејќи дека сè уште одржувате контакт со нив. Доколку, пак, вашата партнерка е девица, таа ќе се чувствува многу неискусна при помислата дека нејзиниот партнер спиел со повеќе жени кои можеби се подобри од неа.

Ако сте жена која спиела со дваесетина мажи, повеќе од сигурно е дека вашиот партнер не би сакал да слушне за тоа. Во суштина, ретко кој маж го прифаќа фактот дека неговата партнерка имала многу мажи пред него.

Стереотипитите се вистински и разорни – и се хранат од стравот

Мажите се плашат од себе си, од тоа како жените им приоѓаат, бидејќи во суштина мажите се плашат од жените. Недостатокот од самодоверба ги принудува да им поставуваат правила на другите луѓе. Ако тие луѓе не им припаѓаат само ним, и ако мажите ја перцепираат нивната личност како своја сопственост, тогаш тие се соочуваат со тешкотии да прифатат одредени нешта, вклучувајќи ги и жените кои имале повеќе партнери. Нивниот страв се проектира надворешно и обично таа претставува олицетворение на лошите особини. Истото важи и за неискусните жени кои се плашат како ќе се покажат во креветот. Тие го проектираат својот страв во мажите и нивното искуство. Попрво би верувале во стереотипниот маж кој е спротивност на вистинскиот факт дека љубовта не трае вечно. Генерално, на жените им е тешко да прифатат дека мажите се заљубуваат, но и дека понекогаш жените се само објект на привлечност за мажите.

Најважно е да се ослободиме од стравот во врската. Мора да му веруваме на својот партнер, бидејќи довербата ја храни довербата. Мораме да бидеме искрени и бестрашни. Мораме да бидеме отворени со партнерот и да му/и’ веруваме. Само така ќе можеме да го/ја запознаеме и да го/ја засакаме како човечко суштество со доблести и недостатоци.

Извор: Intimate Medicine