Една вечер со Господин Томиќ

11.02.2010 13:05
jovanovik10.jpg

Немам потреба преку овој пост да се докажувам, дообјаснувам, доискажувам во врска со ставовите и реакциите кои некако едвај успеав да ги артикулирам во емисијата „Отворено со народот“ на Томиќ. Поентата на овој пост може да се сфати како реакција, но подобро како репортажа, еден вид чуден патепис (трипопис). Сте биле ли некогаш статист во претстава која ви ја режираат на лице место и режисерот, но и актерите, костимографите, сценографите, шминкерите, кафекуварката? Ете децо, знам дека не сте биле…ама затоа јас бев. И најискрено, искуството и чувството е „збунувачки чудно“. Ама, ај од почеток.

Петокот претпладне добив индиректна покана да учествувам во емисијата на Томиќ „Отворено со народот“. Ми рекоа темата ќе била врзана за проектот Скопје 2014. Учесници, освен мене и Ивана Драгшиќ од „Плоштад Слобода“, би биле министерката за култура Канчевска-Милевска (Ганка 2.0), градоначалникот на општина Центар- Владимир Тодоровиќ-Тинекс и еден архитект кој ќе го брани аргументирано проектот Скопје 2014. Иако помислив во прв момент да промрчам поради несиметричната, а со тоа и нееднаквата основа за дебата (неприфатлива е поделбата двајца спрема тројца во фер дебата)…ама ај - пуста желба да го видам Томиќ. Јас и Ивана побаравме преку човекот кој нè контактираше да му ја објасни на Томиќ разликата меѓу Плоштад Слобода и Прва Архи Бригада. Истата му беше објаснета. Пеким, дојде 19.30 часот… го подигнав стомакот и трк во МТВ.

А таму:

Нè пречекаа Министерката, Градоначалникот, Скулпторот кој е автор на лавовите, Коки Јанев, психијатар Кљусев, Виша конзерваторка ???, архитектот Жан и секако Томиќ. Не треба многу објаснување за да се сфати дека одеднаш дебата претставуваше 7 спрема 2. Фер, нема што. Иако аргументите се на наша страна, простата математика не ви дозволува да помислите дека контекстот е барем просечно океј. Емисијата, доколку ги извадите омилените дејанија на Томиќ, долга најава со прилог, јавувања од гледачи, јавувања во дијаспора, долгите говори полни со патос на водителот, трае отприлика еден час. Тоа значи дека поделено со сите учесници едната страна добива 45 минути, а другата 15. Три спрема еден. Па сепак, пусти мерак по Томиќ…

Си седнавме културно, кога - траааааааас! Најавата веќе ја врамува емисијата и прогласува правилна и погрешна страна. Не знам од каде да почнам во прилогот-најава, во која да можеа по еден шамар ќе ни лепнеа сите по ред на нас двете и на сите „перверзници“, „малодушници“, „сатани“ кои сметаат дека Скопје 2014 не е најбољи нешто на свет. И таман не полудев после тоа, кога ја слушам темата. За жал не можам да ја цитирам, ама беше во врска со сатанизација на една доблесна визија за Скопје. И така, перверзните сатани веќе беа детектирани меѓу гостите во студиото. Томиќ, срцка, за да не испадне ептен хардкор после насловот на темата ставил „?!“ и поштено ни се сврте, велејќи ни нешто у стилу: ете јас ништо не прејудицирам. Цепки! А зад нас на монитори врти ли врти тоа видеото…

И почнавме. Томиќ, малку увреден што се дрзнале луѓе кои не се архитекти да дебатираат за сопствениот град (ко демек дипломата од оној кутар архитектонски факултет да е предуслов да мислиш за просторот во кој живееш), без притоа да му текне дека ниту тој, ниту Министерката, па ни Градоначалникот, немаат ни помирисано училница во АрхиФаксот. Па, се чудам јас во тој контекст кој курац бара Психијатаров. Кога види го ти Томиќ, има он на секое зошто, затоа. Психичов бил во Америка на некое време, живеел таму и од прва рука ќе ни кажел дека Скопје 2014 е ТОП… затоа што ОН ЗНАЕ, БИЛ ВО АМЕРИКА, ДЕ! Ама нееее, не е донесен докторов само за тоа. Томиќ мртов ладен му поставува прашање: Како вие од психијатриска гледна точка ќе го дефинирате и објасните овој (нашиов де) чин на негирање на убавината на еден ваков македонски проект? WTF???? – си викам. Ај-си велам - не е ваљда овој до толку луд да му одговори… Па, сепак е, нели, доктор. Ама неееее, типчево почнува сериозно, со сета професионална одговорност, да нè дијагностицира нас и сите останати „перверзни сатани“ на кои не им се допаѓа „еден вака грандиозен Македонски проект“. Дијагноза - дефетизам и малодушност. Фала молим. Во Америка за сеанса ваква би ме ребнале тисучу долара… кај Томиќ психијатриска дијагноза добивате гага. Цепки! А зад нас на монитори врти ли врти тоа видеото…

Тера емисијата, се фалат гостите меѓу себе и не може да издржи срце јуначко, се вмешавме јас и Ивана. Токму тогаш заврши првиот блок на емисијата и почнаа реклами. Штом се тргнавме ние од екраните, ни се свртеа буквално сите во студиото да нè караат. Неваспитани сме биле. Министерката за култура ме праша дали имам култура. Томиќ со блага насмевка нè поткарува, а архитектот Жан сериозен и строг, небаре Небесен Татко, ни држи продики за лепо понашање пред камери. Се приклучуваат Министерката и Градоначалникот. Ние збунети од третманот ко мали деца се врткаме лево десно на тоа столчињата, кога одеднаш се избацува една тетка која помага тука, ги преместува реквизите, а во меѓувреме и шминка гости, и истата ни вика: Ај малку покултурни бидете, не зборете веќе додека не ве прашаат.

Ејјјј, си викам, абе овде сите нè караат зошто сме се дрзнале да кажеме нешто. Ако чекавме прашање подобро ќе беше да се зафатиме со асистенција на камера некаде зад видеото кое врти ли, врти.

И така нè караа сите за време на сите реклами. Ама малку беше, па се префрлија притисоците ептен курназки и за време на емисијата. Прво се избаци „чоече ептен кул модерниот чоече“ Скулптор Јанев, кој ни се обраќаше како цуци, цури, шо ве пали бе кажете, среќо и слично. Сосема легитимно Ивана реагираше барајќи од водителот и домаќин (како што милува да се нарече) да реагира на овој стил на обраќање, кога се фрлија сите гости повторно бранејќи го чоече Јанев како културен за разлика од нас. Океј тераме, тераме ние две цуци (истиот кога го прашав дали на Градоначалникот би му се обратил како Дечки, а на Министерката со Цуро ми одговори дека не сум модерна. Јеби га чоече не сум), и таман добивме шанса да си помуабетиме со Министерката (за која искрено и отидовме) почна велелепниот архитект Жан (автор на Милениумскиот Крст и мостот Влајко…лепотици две) безобразно да и’ хушка и шепка на уво на Ивана едно те исто: Лош ментор имате, лош ментор имате, лош ментор имате, и така брзо и постојано повторувајќи го истово… а меѓу две три мантри за лошио ментор го убацуваше името Грчев.

Во меѓувреме, Министерката му кажуваше на Томиќ колку гледачи да вклучи, Жан се вртеше и наизменично мене и на Ивана продолжуваше да ни мантра, Томиќ ни вртеше грб, а најчудната од сите - госпоѓата виша конзерваторка, која цела емисија блебеташе празна слама (нешо у стилу позитивна мисла ако се има сè ќе биде добро…апсолутно вон контекст), нè испрати од зградата на МТВ со урлање - Кажете бе девојки шо сакате да ви изградимеееее!!!! Додека Жан заедно со неа урлаше повторно за менторите, само што овојпат од на никого познати причини во екипа со Грчев го вброи и Јован Донев - директор на Евро Балкан.

Лудилоооооо, а видеото си врти ли, врти.


Слики: Ѓорѓе Јовановиќ

Извор: femgerila.crnaovca.mk

Одамна не сум видел човек што

Одамна не сум видел човек што дава понебулозни изјави од арх. Жан. Не знам како издржавте, после 2 минути слушање на негова реплика на нормален човек не му преостанува ништо друго освен да се самоубие.

Сите

Сите гореспоменати „дебатери“ про-Скопје 2014 се ПАЦИЕНТЕЛА. Они се МЕНТИШИ.

Човек вам треба да ви додели

Човек вам треба да ви додели медаљи за издржливост. Да ги издржите достоинствено сите тие ‘цури‘ и ‘дечки‘ со министерски или конзерваторски титули комплет со Томиќ, кои сите на куп во нормална држава би добиле медицинска белешка дека се деловно неспособни, навистина е вредно за медаља за издржливост

Ја гледав репризата на

Ја гледав репризата на емисијата и можам да кажам дека баш бевте секси и ти со твојот стомак и Ирена Драгшиќи со нејзините бранителски ставови на џамиите, соживотот, јавниот простор и слично. Господинот Константин Јанев што изгледа како дегенерик со качкетот и шамијата изгледа сакаше да се „спушти на ваше ниво“, па ве нарече „цури“, „што ве пали толку“ и ја нарече Ирена Драгшиќи „среќо“, ама со тоа наместо да изрази некаква поента испадна глуп. Секоја чест што бевте во таква оркестрирана емисија со толку побројни противници и однапред подготвени јавувачи и гледачи. Но сепак некои работи на противниците држеа. Пример, тоа што го кажа Тодоровиќ за јавниот простор кај МНТ кој сега е заграден и се копа. Таму навистина дневно поминуваа помалку од 20 луѓе и единствено на времето кога бев 1 и 2 година средно одевме да се тепаме со Шверцери, Балисти, Албанци што одеа во Ла Фабрик долу во МНТ. Затоа нема никаква загуба на јавен простор таму и добро е што нешто ќе се гради, затоа што тоа е претставителен дел покрај реката Вардар и колку толку ќе биде попосетен од порано кога немаше ни улични светилки и кога 4 пати беше ограбен споменикот на народниот херој од НОВ Панче Неделковски - Полошки на тревникот пред Комерцијална. Ирена Драгшиќи нема потреба да се плаши дека ќе се затворел погледот на џамиите, тие и понатаму ќе си го имаат својот поглед на местото на кое треба да го имаат, т.е. во чаршијата. Исто така Ирена Драгшиќи беше сосема во право за тоа со социолозите и скулптурите и јавниот простор, тоа сосема и држеше. Се на се, тоа беше една класична пропагандна емисија на Томиќ, како и оние против Љубе Бошкоски, и затоа ќе се репризира уште едно 5-6 пати, впрочем во понеделникот вечерта имаше втора реприза на емисијата. Секоја чест за вашето учество таму, без разлика колку и да беше оркестрирана емисијата, сепак беше на вистинско место и со вистински ефект, барем за објективниот гледач. Поздрав

Да види човек и да не верува.

Да види човек и да не верува. Го спомнал Јован Донев, кој е условно кажано на спротивна страна од Фрчковци, Геровци и Соросоиди во спорот за името? Изгледа заради поддршката за педерите во новиот закон се огрешил човекот.

Многу ме зачуди што Томиќ не

Многу ме зачуди што Томиќ не го викнал Вангел Божиновски, пламенит бранител на овој проект Скопје 2014, архитект на чудовиштето од Куќа на Мајка Тереза која навистина одзеде драгоцен јавен простор на кој јас со другарките и другарите излегував, се шетав и пијуцкав винце, пивце (познатото место АРМ, што сега го нема, заедно со Лејди што исто така го нема, затоа што клупите беа затрупани и сега таму има паркче). Исто така Вангел Божиновски е поддржувач на македонскиот идентиет како непрестајно продолжение од неолитот, преку древноста (антиката) се до денес (и јас сум поддржувач на таа теза и не се срамам од тоа), и може да се рече дека е најначитаниот претставник и бранител на таа идеја за разлика од неуки шарлатани како Латас или Миленко. Вангел Божиновски сигурно подобро ќе се вклопеше наместо госпоѓа Таневска - конзерваторката. Или пак ако стриктно требало да биде конзерватор, можел да го викне Васил Иљов, познат конзерватор, претседател на здружението „Антички Македонци“ од Богданци, исто така поддржувач на идејата за македонскиот идентитет како продолжение од неолитот, антиката (особено) се до ден денес. Толку од моето тупење, искрен поздрав! 

 Чеај малце, значи

 Чеај малце, значи министерката смотана, архитектот вулгарен, градоначалникот некомпетентен, само Драгшичи и Цветковичи се компетентни и културни?
Другарски поздрав од 6та архибригада дел од прва дивизија.
Другар војник 
Марко ЛауауауауавичИ

Не ми е јасно зошто сеуште им

Не ми е јасно зошто сеуште им давате легитимност со учество во нивните емисии. Томиќ побогу. Стомак ќе кревам за него. Абе ТВ не оставам ни случајно на него додека го дркам у купатило, не да му одам во емисија. Мивка селска, која кад-тад ќе се заузда откако неписмените премиери, поличичари и остали архи-глуперди ќе ги снема такоџе.

Требаше ’демонстративно

Требаше ’демонстративно да ја напуштите емисијата‘. Вака, само им давате легитимност. Демек, еве имаше и спротивставени мислења. Дрн, дрн јариња, како чехословачкиот повеќепартиски систем после II С.В. Туку, гледавте ли ’права расправа‘ меѓу Слободан Живковски (автор на Уставниот суд и уште некои дренгулии) и Токаров (професор во пензија). Токаров му одржа една убава лекција по архитетктура, по демкоратија, на Живковски му идеше во земја да пропадне, не знаеше што го снашло.

Хе, хе,

Хе, хе, хе...
 
ЈАКО БИЛО ЕПТЕН....

Хихихи, наседна а? :) Јас цел

Хихихи, наседна а? :)
Јас цел живот избегнувам новинари, зашто продаваат облаци.
Не магла, него баш облаци, од магла барем нешто ќе те зароси, нема да биде тотална загуба.

Па не се сите новинари исти,

Па не се сите новинари исти, а Томиќ едвај е човек, а не па да му дадеме уште и професија. Нема тој професионален кредибилитет за да биде професионален новинар.

Само текстов ептен ме зачуди, не за друго, туку не ни знаев дека емисијата уште му оди. Па после онаа брука кој нормален претставник на власта мислки дека ќе биде сфатен сериозно ако билда поени кај лажниот глас на наместениот народ? До каде стигнавме сите...

Devojki, Najiksreno bevte

Devojki,
Najiksreno bevte cool. Seriozno, mozebi gledam mnogu pristrasno, no navistina bevte slatki i iskreni. mozebi i ne znaete, no ako podgotvile tatva "platforma" za debata, tie drugite i predvreme izgubile.
Me potsetivte na ona peenjeto na pesnata: "Padaj silo i nepravdo...", vo "Bitkata na Neretva". Bevte jaki, samo napred.

 

skopje 2014

site generacii imaat po nekoi t.n buntovnici koi mislat deka se ''in'' i ''moderni'' da bidat kontra odredena vlada ili odredeni nejzini merki ili pak samo ako bidat porazlicni od mislenjeto na najgolemiot del od narodot (porano toa se vikase underground ama veke toj zbor e sramota da se koristi:). Istite ovie 2 devojki sto bea vo emisijata mislam deka neznaat tocno zosto se protiv novoto skopje..ama se nadevam deka otkoga ke poporasnat i ke bidat pozreli ke najdat rabota vo eden od objektite koi ke bidat izgradeni (nekoe ministerstvo, sud i sl.:) Iskreno i jas sum protiv izgledot na novoto Skopje i edinstveno mi e zal sto nema Vistinski lugje so argumenti da go branat toj stav.

Anonimco, posto i ti si

Anonimco, posto i ti si protiv, ti odbrani gostavot, posto devojkite ne znaat zoshto se protiv. I protiv si, ama se nadevash deka eden den kje sedat vo nekoja od novite "zgradi?" Logikata spansko selo da ne ti e, kako shto ti e i poimot "misla"?

Se dodeka ima lugje koi se

Se dodeka ima lugje koi se protiv nekoj stav a bez pritoa da imaat agrumenti i stavovi sto bi bilo alternativa, nasata ni vlada ke pravi sto saka ne samo so plostadot tuku i so celata drzava...za zal vo mnooogu slucaevi prvite lugje na odredeni studentski organizacii se pokazalo deka po nekoe vreme stanuvaat poltroni i ''sledbenici'' na odredena partija vo zavisnost od toa kolku poveke plukale po nivnite politicki protivnici ili koja ke im obezbedi sigurno rabotno mesto. Zatoa sum ubeden deka ako ima poveke studenti kako dvete gospogjici (i nivnite drugarcinja) ne samo sto ke se izgradi Skopje bas taka kako sto bese prikazano na animacijata tuku i ke rabotat vo edna od tie zgradi i se ke se zaboravi. Potoa ke dojdat drugi i povtorno istata prikazna. Bi sakal da se pojavat lugje koi bi go smenile ova...
P.S ova ne vazi za dvete studentki (i nivnite bliski kolegi), tie ne spagjaat vo poslednava grupa

Не ја гледав емисијата ама ми

Не ја гледав емисијата ама ми се чини дека требало да знаете дека такво нешто ќе ве снајде. Ова ти се вика да одиш into the lions den.
Туку, ај, сте отишле што сте отишле, зашто не си заминавте на сред емисија, во знак на протест. Со луѓе се дебатира а не со такви како нив.
Ја да бев на ваше место немаше да дозволам да ме фатат во заседа на таков начин и да ми се истураат сите чопоративно. Навреда, непочитување.... зошто сум уште тука?

"Иако аргументите се на наша

"Иако аргументите се на наша страна..."

MNOOGU arogantno.

Слични содржини

Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ
Ирена Цветковиќ

ОкоБоли главаВицФото