Кои женски особини им се најпривлечни на мажите

Што ги привлекува мажите кај жените? Откако ќе ги воочат телесните атрибути, мажите почнуваат да ги забележуваат и карактерните особини. Еве една мала листа што најмногу им е привлечно.

Насмевка

Бројните истражувања покажаа дека женската насмевка им е многу привлечна на мажите. Тие сметаат дека на тој начин жената покажува дека е отворена, весела и неоптоварена. Насмевката е секогаш секси!

Знае да ислуша

Жената која внимателно ќе го ислуша својот соговорник е повеќе од привлечна. Еднo австралиско истражување покажа дека многу мажи токму оваа особина прва ја забележуваат кај жените. „Неописливо секси е кога имаш впечаток дека целото нејзино внимание е насочено кон тебе“, изјавил еден од испитаниците.

Смисла за хумор

Секој сака кога некој ќе го орасположи и насмее, па така и мажите. Токму затоа ним им се привлечни жените кои имаат смисла за хумор. Таквите жени знаат да ги опуштат и насмеат, а тоа е предуслов за доброто расположение.

Шега на сопствена сметка

„Нема ништо полошо од жената која не знае да се пошегува на сопствена сметка и сè сфаќа лично“, изјави еден од испитаниците во неодамнешното британско истражување. Кога жената се шегува на своја сметка покажува дека не е критички настроена ни кон себе, ама ни кон машкиот род.

Поглед

Многумина мажи сметаат дека жената најдобро заведува со погледот. Постојат мажи кои сакаат загадочен женски поглед, додека други се привлечени од нежниот и срамежлив поглед. Тоа е движење кое не може да се одглуми, па затоа најпривлечен поглед претставува оној кој ја одразува вистинската личност на жената.

Ум

Повеќето мажи покрај себе сакаат паметна жена. Иако некои тврдат поинаку, умот е многу секси особина. Тоа е онаа карактеристика која на жените им овозможува да бидат интересни, интригантни и рамноправни соговорнички, но и да бидат креативни меѓу чаршафите. Меѓутоа, според едно американско истражување, мажите не ги сакаат прегласните и пренаметливите жени.

Извор: B92