1016 hPa
65 %
25 °C
Скопје - Саб, 01.06.2024 09:59
Мицкоски ми се закануваше:„Кога ќе бидам премиер, ќе те влечеме по улици“.
Данела Арсовска во „Само интервју“ на ТВ Канал 5; 15.12.22.
Луѓе, доста веќе со слики од мајки што треба да се егзотични зашто носат шамија и што биле чистачки или не знам што друго страшно во Париз или во Берн, а чии деца Мароко всушност го знаат само како мирис на домашна кујна на празници меѓу среда во Лига на шампиони и сабота во првенство.
Ги знаеме дечките, ги изнагледавме цела година во најјаките европски клубови. Не се тоа неухранети бегалчиња што добиле награда за иновација во шведско школо. Сите се спремни, натренирани, накондиционирани, стручно измасирани и нутриционистички деликатно избалансирани супер-платени професионалци. Значи, мајка ко мајка, се радува.
Душица Димитровска, Фејсбук, 11.12.22.
Од она што можам да го видам од медиумите градот им должи на приватните превозници и не сака да го плати долгот.
Ме интересира дали приватните превозници го тужеле градот за неисплатениот долг?
Дали има поведено судска или барем некоја административна/управна било каква постапка пред надлежна институција со барање да се присили градот да ја изврши својата обврска.
Владат исто така може да го подмири долгот и потоа да си ги бара парите од градот и тоа со затезна камата.
Можеби грешам, ама во договорните односи секогаш постои соодветна легална можност за наплата на доспеан долг.
Мирјана Најчевска, Фејсбук, 06.12.22.
Како тоа имаме функционална демократија и професионални институции (според претставници на Владата) а некој од надвор треба да се справи со криминалот?
Како тоа Маричиќ шета наоколу и си прави тимови од илјада луѓе кои ги плаќаат граѓаните на Македонија, а некој друг треба да ја напише домашната работа?!
И да ве прашам, онака сериозно, до кога ќе ги бирате истите копуци кои веќе 100 пати ве излажале во очи и ќе очекувате поинаков резултат?
И ве молам, дне се залажувајте, со ДУИ во било која власт не се може напред.
Со актуелните судии и јавни обвинители не се може напред.
Со актуелниот состав на Изборната комисија, на Антикорупциската комисија, на Народниот правобранител и на уставните судии не се може напред.
Потребна е експертска Влада која ќе стави црта и ќе ги дефинира правилата на игра на начин кој не остава простор за нивно растегнување, свиткување и заобиколување.
Ајде да покажеме барем минимална зрелост и да го направиме тој чекор.
Пред да дојде некој од надвор да не построи.
Срамота е после 78 години државност ова да ни се случува.
Мирјана Најчевска, Фејсбук, 06.12.22.
Зошто МРТ е важна, иако веројатно има помалку гледачи отколку што Јанко Бачев има членови на неговата минијатурна партија?
Затоа што има 15 милиони евра буџет во 2022 година – пари на сите македонски граѓанки и граѓани.
Повеќе од една деценија МРТВ е легло на партиска, националистичка и антизападна пропаганда. Со Програмски совет, компониран на салфетките на Груевски, чиј мандат е истечен. И со партиски директор (ре)избран од телото (советот) без мандат.
А најважно од сѐ: зашто (треба да) е јавен сервис!
Џабир Дерала, Цивил медиа, 21.11.22.
Интересно, Мијалков се шета наоколу а Јанкуловска си седи во затвор.
Изгледа ова по принципот кој повеќе украл повеќе може да плати и да си ја купи слободата?!
Се разбира, за финкционерите од ДУИ ова не важи, тие живеат во паралелна реалност во која се заштитени од било каков прогон за било какво криминално дело.
Мирјана Најчевска, Фејсбук, 12.11.22.
Ееее Ленине, Ленине! Во 2017-та со своите моторџии „Ноќни волци“ беше дел од контрапротестите на ВМРО-МВРО против „Тиранската платформа“. Протестите кулминираа со крвавиот 27 април.
Сега, на блокадите со твоите приватни автобуси во Скопје – си врзал албански и македонски знамиња!
Петрит Сарачини, Фејсбук, 29.11.22.
На 29 ноември 1943 беше создадена државна структура која ќе ги помести границите на разбирање на државноста, ќе изнедри голем број идеи и визии кои ќе се разработуваат, развиваат и применуваат во иднината и ќе покаже дека дури и на такви турбулентни простори каков што отсекогаш бил Балканот може (барем за одреден период) да биде одржан стабилен и просперитетен мир.
Она што најмногу ме мачи е тоа што не успеавме да ги зачуваме сите прекрасни придобивки на СФРЈ, а наспроти тоа, ги задржавме и со голема посветеност ги негуваме сите деформации на системот.
Мирјана Најчевска, Фејсбук, 29.11.22.
А каков квалитет за големи пари даваат вмровските фирми се гледа во центарот на Скопје. Се распаѓа Театарот. Се распаѓа Уставниот суд со Археолошкиот музеј. Се распаѓа Плоштадот. Се распаѓаат фонтаните. Се распаѓа МЕПСО. Се распаѓа фасадата на Владата… Крадено е. Без усул е крадено. Во други земји ќе ги фатат политичарите за корупција, ама ќе им останат патиштата, железниците, аеродромите, пристаништата, државните објекти. Ние останавме и без пари и без театар, и без музеј, без Универзална сала, без пат кон Охрид, без железница, без пошта, без плоштад, без јавен превоз… И без главниот крадец останавме. На СДСМ и тоа му успеа – и тој да им избега. Па сега нека им се нуди од Будимпешта да им кречи.
Горан Михајловски, СДК, 25.11.22.
Со сензационалистичко пласирање на лаги и невистини, купуваш ден, недела, месец, но не решаваш проблем. А нерешениот проблем ? Еееее, нерешениот проблем по истекот на денот, неделата, месецот се враќа и стравично удира. Право во глава …. Оди си. Не се мачи, не нè мачи сите…
Петре Шилегов, Фејсбук, 24.11.22.
Градоначалничката на Град Скопје не покажува никаков интерес да се продолжи со реконструкцијата на Универзалната сала, а навистина се чувствува нефункционалноста на салата во културниот живот. Во 2019 година пари од буџетот, преку Министерството за култура биле префрлени, заедно со писмо за соработка со Град Скопје, за целосна реконструкција на салата, но тоа не се случува.
Ние со министерот за локална самоуправа зборувавме со градоначалничката за да можеме да и излеземе во пресрет за реконструкцијата на Универзалната сала, бидејќи парите стојат на сметка, проектот е таму. Наспроти она што го тврдеше Арсовска на почетокот на годината, проектот е безбеден и потврден од сите релевантни институции.
Градоначалничката сега треба да ни прати фактичка состојба и потврда дека парите се на сметката на Град Скопје. Овој проект треба да ги надмине сите лични и политички проблеми, бидејќи е од витално значење.
Бисера Костадиновска Стојчевска, во „Студио 10“ на ТВ24, 23.11.22.
Српските полицајци ги вратија оружјето и униформите, никој формално не го обезбедува редот на тој простор. Таму веќе нема судии, општинска администрација. Создадена е идеална сцена за беззаконие и насилство.
Според кумановскиот договор, војската и полицијата на Србија без дозвола дури не можат ни да ја преминат границата со Косово. Така што се бајки Вучиќевите приказни дека ќе ги „заштити Србите на Косово“. Исто онака како што беа заштитувани 1995-та во Хрватска, со една катастрофална политика која ги туркаше во војна со хрватската држава. На Вучиќ мора да му се честита на континуитетот, тоа е секогаш политика која ја игнорира политичката реалност но ја чува власта.
Жарко Кораќ, психолог и поранешен српски политичар; Данас, 21.11.22.
Партијата „Левица“, денеска во Македонија е десница, и екстремна десница. Партијата „Левица“ денеска во Македонија е она што е Ле Пен во Франција и она што е „Самоопределување“ во Косово. Тоа е „Левица“.
Бранимир Јовановиќ, Во центар (тв емисија), 20.11.22.
Би сакал да ви раскажам една норвешка „бајка“, која ја слушнав минатата недела во Тирана на „ЕУ-Западен Балкан медиумска конференција“, на која една од главните теми беше справувањето со дезинформациите.
Меѓу највпечатливите излагања на Конференцијата, на која учествуваа истакнати новинари од регионот и цела Европа споделувајќи искуства во справувањето со овој предизвик, беше она на Кристофер Егеберг, главен уредник на „Фактиск“.
Зборувајќи за работата на неговата организација која фигуративно ја нарече како „бајка“ во борбата против дезинформациите, Егеберг посочи дека неговата организација за проверка на факти е формирана од водечките норвешки медиумски компании!
Замислете, без оглед на тоа што се жестоки конкуренти на медиумскиот пазар, шест од највлијателните медиумски организации во Норвешка (VG, Dagbladet, NRK, TV 2, Polaris Media, Amedia) решиле да се здружат и да формираат организација која ја проверува точноста на информациите објавени не само од нивните медиуми, од политичарите, туку и од нивните медиумски сопственици!
Петрит Сарачини, ИМА.мк, 17.11.22.
Сиљановска ѝ наштети на својата партија, а на политичките противници им даде неочекуван подарок.
Библискиот народ на својот Творец му се оддолжи со срамно молчење и со една полиуретанска скулптуричка обоена со златна боја за ќунци.
Зошто праќаат полиција против сопствените студенти? Дали се тоа настрани луѓе кои мислат дека младите заслужуваат ќотек?!