Треска напредува

10.10.2023 15:23

Поминав сабајле покрај Треска и видов колку напреднала работата со градбите таму. Растат грдите скелети на комплексот кој шит портали како Либертас, како платена реклама на владата, го претставуваат како „модерен и урбан“ со „уредено зеленило“, што од лично искуство знам дека значи 4 метра квадратни трева пред зграда додека на двајца од станарите не им текне дека им пречи земјата ради бубачки и ја бетонираат.

Значи, добиваме уште станбени згради наместо парк што можеше да му даде воздух на ова преизградено маало да подише. Децата немаат ни тротоар за да играат (тротоарите се на колите), а улиците се секако на колите. И после - зошто седат дома? Надвор едино може во кафич да седнат. Нека се навикнат на што ги чека. И така, маалово, по која уличка и да свртам, нови темели, нова прашина, нови материјали.

Нема везе, поентата ми е -

На 99 проекти произлезени од корупција и ненадмината алчност, ЕДЕН (1) да правеа за луѓето, ќе беше оваа држава многу поубаво место за живеење.

Хана Корнети, Фејсбук, 10.10.23.

Скопје / урбанизам / Треска

Слични содржини

Јавни простори / Боли глава

Мизерија!

Јавни простори

Во потрага по изгубеното Скопје во Скопје

Јавни простори

Хаотичен град создава хаотични луѓе – скопскиот урбанистички лик и неговата иднина

Боли глава

„Кај Алумина ќе се гради фасцинантен комплекс со 80% зеленило“

Јавни простори / Боли глава

Во Македонија не се градат споменици по регуларен пат

Јавни простори / Боли глава

Уништувачки ДУП за Карпош

Боли глава

Една од поважните информации собрана преку Пописот од 2021 година

Јавни простори

Зошто толку се затнаа улиците во Скопје?

Око

СЕКОЈ ДЕН ПЕСНА

Диана Буразер

Илузија

Едно од ова е илузија, ми вели илузионистот покриен со црна, семоќна наметка, оставајќи ми великодушно, можност за избор.

29.05.2024

Вести (time.mk)

Канал 103 .

Боли глава

Арсим Зеколи

Малку пари, малку повеќе пари, и најпосле пари над сè друго

Наклонетоста на Ахмети кон Груби контра Меџити е новост на денешницата, но доколку се потсетиме на почетоците на ДУИ ќе се присетиме дека истиот пристап го користеше и во фаворизирањето на Меџити („храбро момче кои само што почна да се бричи”) во судирите со Беќир Асани, и особено со традиционалните интелектуални кругови во Скопје, кои претходеа на ДУИ.

Алчноста на Ахмети тогаш се отсликуваше низ патолошката омраза кон сè што е урбано и современо, секој кој со мачните искуства од 80-тите и 90-тите ја загрозуваше неговата неприкосновеност на „нов Скендербег”. Тогаш Меџити беше само актер кој итромански ја разбираше, искористуваше и хранеше провинциската глад на лидерот за слава.

Времето течеше, нештата се менуваа, а некогашниот марксист оз Зајаc полека ги откриваше доблестите на капитализмот. Груби беше само актерот кој навреме ја препозна провинциската глад на лидерот за пари и го хранеше со малку пари, малку повеќе пари и најпосле со пари над сè друго. Алчноста на Али ја проголта фамата за Ахмети, а ДУИ падна врз сопствениот меч.

Арсим Зеколи, Дојче веле, 23.05.24.