Боли глава

Десетици и десетици немилосрдни критики издржаа оние кои за 100, 200 или 500 евра на студентите им подарувале шестки, а во исто време, да речеме, во мојата земја (Хрватска) не постои ниту еден медиум кој не го негува она што го нарекуваме прикриено огласување. Таа работа го подразбира истиот тип на неморална трговија, но таа работа сепак го доби статусот на премолчана легитимност: ќе ти платам за да пишуваш за мене подобро од што заслужувам.

Виктор Иванчиќ, новинар

Зашто државата и црквата воспоставиле идеална симбиоза. Изградбата на црква на скопскиот плоштад не е ништо друго освен изградба на дуќанче од буџетски пари за потребите на МПЦ, преку кое Црквата денар по денар ќе си ја полни својата каса, а владата ќе добие неприкосновена поддршка и благослов за сите свои проекти.

Коста Балабанов, најголемиот жив познавач на иконите во Македонија (извор: „Сега“)

Интеграцијата на Црна Гора во ЕУ има смисла само доколку Европа му се врати на Бога. Европа не почива на христијанските вредности. Ако со влегувањето во Европа го изгубиме чувството за живото присуство Божје во секојдневниот живот, во нашите човечки дела, тогаш ни самите себе си не си требаме, тогаш не ни треба ни Европа. Тогаш ќе личиме на слепци кои паѓаат во иста јама.

Митрополитот црногорско-приморски Амфилохие

Мислам дека Никола Груевски не знае што му се случува. Како во онаа детска песничка „Никола, Никола, нешто чудно ти се случува“.

Владо Бучковски, пратеник

Ако не успеам да бидам добар градоначалник,
многу ќе се разочарам од себе.
Владимир Тодоровиќ,
новиот градоначалник
на Општина Центар

Природата со илјадници години е речиси непроменета, и како таква е досадна. Бидејќи, ако ги погледнете компирот или зелката, зарем не ви се чини дека се јадни, дека им фали индивидуалност и стил, а за гламур и да не збориме. Мојава изложба е обид да се поработи на нивниот имиџ, за тие да станат малку повеќе funny и uptodate.