1012 hPa
88 %
18 °C
Скопје - Пон, 20.05.2024 03:08
Да кажеш тишина на нов јазик
е како да отвориш спореден излез
за чувствата, но да го зачуваш
срцето цело, негибнато,
зашто во стариот веќе се слушаат
војнички маршеви и химни
по кои, знаеш, ќе следуваат
елегични напеви за смртта.
Крупните зборови во него
се дотеруваат за победнички
говори, но наскоро ќе чекорат
ваму-таму отсутно и без цел.
Дробните, пак, ќе свенат
ко неполеано цвеќе, ќе исчезнат
в миг божем догорени чкорчиња
и пепелта ветер ќе им ја развее.
Така било и ќе биде. Сега
треба да научиш нов јазик,
да отвориш спореден излез
за случај на опасност
и да го изнесеш срцето надвор –
негибнато.