Боли глава

Во моментите кога спортистот се самозадоволува, тој често на следниот натпревар не успева да го оствари успехот кој го посакува.
Зоран Михајлов, спортски коментатор, на „Наша ТВ“, коментирајќи го атлетскиот митинг во Брисел, 04.09.09

04.09 2009

Серија референдуми

„Стравуваме дека еден референдум може да биде почеток на серија референдуми во градот Скопје, и низ целата Македонија, кои можат да нè доведат до работ на сериозни меѓуверски и меѓуграѓански судири“,

Насе Хот, советник на ДОМ во општина Центар.

03.09 2009

Златно молчење

„Не смеам да давам изјави.“

Шефки Дураку, портпарол на Владата на прашање за воведување на македонски јазик кај учениците Албанци во прво одделение.

02.09 2009

Жив е?!

Него никој не го видел мртов. Дали кога било во весник или на телевизија сте виделе некоја фотографија на мртвиот Слободан Милошевиќ? Па белки некаде досега ќе се појавеше некоја снимка.

Бата Живоиновиќ, славниот глумец, верува дека С. Милошевиќ сè уште е жив

01.09 2009

Ниче и баба Ката

Таа фрка што последниов месец се дигна околу мојата наводна кандидатура за претседател е плод на фантазија втемелена во Ничеовата теорија за незнаењето коешто раѓа страв, а мојата баба Ката отиде чекор подалеку од Ниче па рече дека на стравот очите му се големи. И тоа е сè што ќе речам за тоа. Без потпрашања, ве молам.

Милан Бандиќ, градоначалник на Загреб, за можната кандидатура за претседател на Хрватска; Јутарњи лист, 25.08.09

31.08 2009

Владата се бори за надминување на последиците од 19-годишното владеење на Црвенковски.
Зоран Ставрески, Министер за финансии
*попатна статистичка белешка: од последните 11 години, ВМРО ДПМНЕ е 7 години на власт

27.08 2009

Нашата држава боледува од сиромаштија и невработеност. Го допревме дното.
Никола Груевски, премиер, на 2 август 2009 година, на иселеничката средба во Трново

26.08 2009

Сега ќе бидеме уште поблиску еден до друг.
Бранко Црвенковски, експретседател, ја коментира локацијата на својот кабинет, кој е во непосредно соседство на премиерот Груевски

21.08 2009

Писател

Од сите нив, некако најмногу ми легна Орхан Памук, инаку најголем турски писател по Иво Андриќ.

Алекс Букарски во колумна во „Дневник“

20.08 2009

Клетва

Се бориме, правиме сè... Имаме големи напори, ама некако гледате и она што требаше да биде радост, без лезет е. Имаме нов стадион, нова трибина.... Некако, како некој да фрлил клетва...

претседателот Ѓорге Иванов им се обраќа на фудбалските репрезентативци на РМ

17.08 2009

Рачна кочница

Власта го спроведува Рамковниот договор со дигната рачна кочница.

Љубомир Фрчкоски во вестите на А1 ТВ, 14.08.09

14.08 2009

Заштитни мерки против култот на пијанството

Забраната за продажба на алкохол во вечерните часови, е заштитна мерка која ги поставува основите за односот кон ова зло, не смееме како заедница и понатаму да го потхрануваме култот на пијанството.

Алекс Букарски, Дневник 11.08.2009

11.08 2009

Благодарност до родителите

Неспорно стекнав одредено искуство работејќи во секс индустријата. Имам предвид дека од секогаш сум се интересирала за сексот. Мислам цел живот. Им благодарам на родителите поради тоа.

Фиона Патен, претседателка на Секс партијата, цела година се бореше за официјално регистрирање на партијата од страна на австралиските власти

10.08 2009

Предавник на Македонија и на Господ Исус Христос

Секој оној кој ПРЕГОВАРА за името на Македонија го прогласуваме за ПРЕДАВНИК на македонскиот народ, ПРЕДАВНИК на сопствените прадедовци ПРЕДАВНИК на крвта на настраданите пролеана како река за самостојна и
независна Македонија и ПРЕДАВНИК на Господ Исус Христос кој ни го подарил македонското име, духот македонски и нашата македонска култура. Очекуваме од властите на Македонија да се повлечат од преговорите за името. Во спротивно кон нив, како и кон секој кој не
само што се согласува за било каква измена на името, туку што се согласува на било какви преговори ќе се однесуваме како кон предавници и ќе ги повикаме на одговорност и на суд пред македонскиот народ.

соопштение на Македонско Братство (http://www.makedonskobratstvo.org)