Големо јавно судење на книгата „Птици во аквариум; надреализам 1924 – 2024”

Денес, 15 април (понелник) во 18 часот, во Аулата на Филолошкиот факултет ќе се одржи големо јавно судење на книгата „Птици во аквариум; надреализам 1924 – 2024”, напишана и составена од Лидија Капушевска-Дракулевска и Влада Урошевиќ со предговор на Владимир Јанковски, објавена од издавачката куќа „Полица“

Во процесот ќе земат учество:

СУДИЈА: Владимир Мартиновски

ЈАВЕН ОБВИНИТЕЛ: Венко Андоновски

ЈАВЕН БРАНИТЕЛ: Гоце Смилевски

АДВОКАТ: Владимир Јанковски

Сведоците повикани од обвинителот и од одбраната се:

Соња Стојменска-Елзесер

Марија Гиревска

Иван Шопов

ПУБЛИКА: Вие и сите други што ќе се осмелат да дојдат

Понесeте 600 денари за да ја купите книгата, бидејќи ова е можеби единствената можност да дојдете до инкриминираното дело пред да биде осудено!

Немојте да го пропуштите овој настан што во идните истории на книжевноста ќе биде познат под името: „Афера со аквариумот!”

Можни се драматични пресврти во текот на судењето!

Судиите предупредуваат на притисоци што врз нив се вршат од некои писателски кругови!

Потсетување на правилото:

Никој не е виновен пред да се докаже вината!
(Кажано со стручна терминологија: „In vino veritas” т. е. „ Veni, vidi, vici”)

Правни стручњаци тврдат дека постои можност за амнестија на сите учесници (вклучувајќи ја тука и публиката)!

Дојдете и присуствувајте на најсензационалниот настан во македонската книжевност од појавата на книгата „Глувчето Мице” на Ванчо Николески!

Дозволено е:

- внесување музички инструменти
- носење маски
- цитирање марксистичка литература
- грицкање семки

Извор: https://www.polica.com.mk