1014 hPa
100 %
14 °C
Скопје - Вто, 14.05.2024 17:16
Ги повикувам сите оние кои ги посетуваа школите за човекови права кои ги водевме јас и професорката Виолета Петроска Бешка, да ни се придружат на студентскиот протест кој ќе започне на 10.12.2014 во 12.00 часот на централниот простор на Универзитетот „Кирил и Методиј“.
Ги повикувам и сите оние кои биле барем на еден семинар кој сум го водела и на кој сме зборувале за правата и слободите на човекот.
Ги повикувам и сите оние кои соработувале со мене на проекти поврзани со заштитата на правата и слободите на човекот.
Ги повикувам како професор, како експерт за човекови права, како граѓански активист и како многу незадоволен граѓанин.
Затоа што тоа е ден на човековите права, а за правата се работи.
Затоа што тоа е начинот на изразување на незадоволство кој го промовиравме на школите за човекови права.
Затоа што солидарноста е вредност која е тесно поврзана со концептот за човековите права.
Затоа што молчењето е спротивно на базичниот вредносен систем на демократијата.
Се гледаме.
Извор: Фејсбук профилот на авторката
Слика: Франческо Бонџорни