1013 hPa
73 %
19 °C
Скопје - Чет, 02.05.2024 11:59
Кахера е суперхероина зад која стои египетската уметница Дина, а која се бори против мизогинијата во египетското општество, но и исламофобијата со која Западот ги гледа жените во исламските земји.
Покриена од глава до пети, Кахера патролира низ египетските јавни простори и се бори против угнетувањето на жените во семејството и вознемирувањето на улица.
По падот на претседателот Хосни Мубарак, во Египет зачестија сексуалните напади, особено на плоштадот Тахрир кој е центар на постојана политичка активност во Каиро. Само за време на протестот кој започна на 30 јуни и траеше една недела се пријавени 150 сексуални напади.
Порастот на бројот на сексуални напади доведе и до зголемување на бројот на храбри и креативни иницијативи кои имаат цел да го спречат таквиот вид напади. Еден од нив е и проектот Graffiti Harimi, кој ги користи графитите за да предупреди на сексуалното насилство, а групите како Тahrir Bodyguard, HarassMap и Op Anti-SH ги документираат нападите и настојуваат да ги заштитат жените за време на политичките протести.
Подолу може да погледнете неколку стрип табли на кои хероината Qahera го има главниот збор во заштитата на жените.
Извор: radiosarajevo.ba